Raaghyn Creeney 19:9 - Yn Vible Casherick 1775 1819

⁹ Cha bee feanish foalsey fegooish kerraghey, as nee yn breagerey dy shickyr cherraghtyn.

Raaghyn Creeney 19:9 ပူးပေါင်းရင်းမြစ်များ

Raaghyn Creeney 12:19

Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.

Raaghyn Creeney 19:5

Cha bee feanish foalsey fegooish kerraghey, as ta smaght gyere cour y vreagerey.

Raaghyn Creeney 21:28

Hed y feanish foalsey naardey: agh eh ta geill echey da’n irriney, t’eh loayrt dy shickyr.

Raaghyn Creeney 6:19

Feanish foalsey ta ginsh breagyn, as eshyn ta doostey anvea eddyr braaraghyn.

Ezekiel 13:22

Er-yn-oyr dy vel shiu lesh breagyn er n’yannoo cree yn er-crauee trimshagh, nagh vel mish er n’yannoo trimshagh; as er niartaghey laueyn ny mee-chrauee, gyn eh dy hyndaa veih e ghrogh raad, liorish gialdynys bea da:

Daniel 6:24

As doardee yn ree, as hug ad lhieu ny deiney shen va er phlaiynt noi Daniel, as hilg ad ad ayns ooig ny lionyn, ad-hene, nyn gloan, as nyn mraane, as hooar ny lionyn mainshtyraght orroo, as vrish ad ooilley ny craueyn oc ayns peeshyn, my rosh ad gys grunt yn ooig.

Ashlish 19:20

As va’n veisht goit, as marish yn phadeyr foalsey va gobbraghey mirrilyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny-neesht ceaut bio ayns logh dy aile lostey lesh brimstone.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi-erbee shynney lesh as ta jannoo breg.