Raaghyn Creeney 19:2 - Yn Vible Casherick 1775 1819

² Myrgeddin dy bee yn annym fegooish ynsagh cha vel eh mie: as eshyn ta ro hiyragh, nee eh tuittym ayns peccah.

Raaghyn Creeney 19:2 ပူးပေါင်းရင်းမြစ်များ

2 Reeaghyn 4:39

As hie fer magh ’sy vagher dy hymsaghey lossreeyn, as hooar eh [myr heill eh] billey-feeyney feïe, as heigh eh jeh slane skyrtlagh dy ghourdyn feïe, as haink eh, as yiare eh ad dy myn ’sy phot phoddash: son cha row fys oc cre v’ad.

Lioar Yob 31:5

My ta mee er n’immeeaght lurg fardalys, as my chass er ve bieau lurg molteyrys;

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Raaghyn Creeney 10:21

Ta meillyn y dooinney crauee dy ynsaghey ymmodee: agh ta ny mee-cheeayllee goll naardey son laccal creenaght.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Raaghyn Creeney 21:5

Ta kiarail y dooinney jeidjagh leeideil gys sonnys: agh ta’n fer siyragh roie gour e vullee gys boghtynid.

Raaghyn Creeney 25:8

Ny gow magh dy siyragh gys streeu, er-aggle nagh bee fys ayd cre dy yannoo, my vees eh harrish, tra ta dty naboo er dty choyrt gys nearey.

Raaghyn Creeney 28:20

Nee dooinney treishteilagh bishaghey ayns bannaghtyn: agh eshyn ta jannoo siyr dy ve berchagh, cha bee eh gyn-loght.

Raaghyn Creeney 28:22

Eshyn ta shleeuit er berchys, ta drogh-hooill echey, as cha vel eh toiggal dy vod y voghtynid cheet er.

Raaghyn Creeney 29:20

Vel oo cur-my-ner dooinney ta siyragh ayns e ghoan? ta caslys share jeh’n voal-hushtagh na jehsyn.

Ecclesiastes 12:9

As ny-sodjey na shoh, er-yn-oyr dy row yn preachoor creeney, dynsee eh yn pobble dy imneagh ayns tushtey: dy jarroo hug eh tastey vie, as hir eh magh, as hug eh dy cheilley ymmodee raaghyn creeney.

Ecclesiastes 7:9

Ny cur raad da corree siyragh ayns dty chree: son ta corree tannaghtyn ayns cleeau yn ommydan.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Romanee 10:2

Son ta mee gymmyrkey feanish daue, dy vel graih jeean oc er Jee, agh cha nee cordail rish tushtey (firrinagh).

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys: