Raaghyn Creeney 19:12 - Yn Vible Casherick 1775 1819

¹² Ta jymmoose y ree myr garveigagh y lion: agh ta’n foayr echey myr druight er y faiyr.

Raaghyn Creeney 19:12 ပူးပေါင်းရင်းမြစ်များ

Genesis 27:28

Shen-y-fa, dy der Jee dhyt jeh druight yn aer, as meeaylys y thallooin, as palchey arran as feeyn.

2 Samuel 23:4

As bee eh myr soilshey’n voghrey, ec irree ny greïney, eer myr moghrey gyn bodjallyn; myr y faiyr ta gaase ass y thalloo liorish bree sollys y ghrian lurg frassyn.

Esther 1:12

Agh dob Vashti yn ven-reïn dy heet er sarey yn ree liorish ny fir-oik: va’n ree, er-y-fa shen, feer jymmoosagh, as ren e chorree lostey cheu-sthie jeh.

Esther 7:8

Eisht haink y ree ass garey yn phlaase gys room y yien-feeyney, as va Haman er duittym er y chouch er va Esther ny soie. Eisht dooyrt y ree, Vel eh son goaill er-êgin yn ven-reïn myrgeddin roish my hooillyn ayns my hie hene? Cha row yn fockle ny sleaie ass beeal y ree nagh choodee ad eddin Haman.

Psalmyn 133:3

Casley rish druight Hermon: huitt sheese er cronk Sion.

Psalmyn 72:6

Hig eh neose myr y fliaghey ayns loamrey olley: dy jarroo myr ny bineyn ta gushtaghey yn thalloo.

Raaghyn Creeney 20:2

Ta jymmoose y ree myr garveigagh y lion: quoi-erbee vrasnys e chorree, t’eh noid da e vioys hene.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Ecclesiastes 8:4

Raad ta fockle ree, te cur lesh pooar: as quoi oddys gra rish, Cre t’ou dy yannoo?

Isaiah 18:4

Son shoh myr dooyrt y Chiarn rhym, Bee’m my haaue, agh smooinee-ym er y chooish er-lheh ayns my ynnyd-vaghee, myr y chiass kiune er lossreeyn, as goll-rish bodjal dy ghruight ayns chiass yn ouyr.

Daniel 5:19

As er coontey yn ard-ooashley hug eh da, va dy chooilley phobble, ashoonyn as glaraghyn er-creau, as ayns aggle kiongoyrt rish: adsyn baillish, varr eh, as adsyn baillish, dreill eh bio, as adsyn baillish, hoie eh seose, as adsyn baillish, hug eh sheese.

Daniel 6:24

As doardee yn ree, as hug ad lhieu ny deiney shen va er phlaiynt noi Daniel, as hilg ad ad ayns ooig ny lionyn, ad-hene, nyn gloan, as nyn mraane, as hooar ny lionyn mainshtyraght orroo, as vrish ad ooilley ny craueyn oc ayns peeshyn, my rosh ad gys grunt yn ooig.

Hosea 14:5

Bee’m myr y druight da Israel: nee eh gaase myr y lilee, as skeaylee eh magh e fraueyn myr Lebanon.

Micah 5:7

As bee sluight Yacob ayns mean ymmodee pobble, myr y druight veih yn Chiarn, myr ny frassyn er y faiyr, nagh vel lurg aigney dooinney, ny fieau son mec deiney.

Deuteronomy 33:28

Nee Israel eisht cummal dy sauchey er hene: bee farrane Yacob ayns cheer dy arroo as feeyn, nee e niaughyn myrgeddin shilley neose druight.