Raaghyn Creeney 19:11 - Yn Vible Casherick 1775 1819

¹¹ Ta keeayl dooinney dy chastey e chorree: as te yn ghloyr echey [ny cheayrtyn] dy lhiggey lesh yn aggair.

Raaghyn Creeney 19:11 ပူးပေါင်းရင်းမြစ်များ

Raaghyn Creeney 16:32

Eshyn ta moal gys corree, t’eh ny s’ooasle na’n er niartal, as eh ta freayll e spyrryd hene fo smaght, na eshyn ta goaill ard-valley.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Raaghyn Creeney 15:18

Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 12:16

Ta corree yn ommydan dy leah cronnit: agh ta dooinney creeney coodaghey nearey.

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Raaghyn Creeney 20:3

Te son goo mie dooinney dy chur streeu dy fea: agh bee dy chooilley pheeikear jannoo boirey.

Raaghyn Creeney 25:21

My vees dty noid accryssagh, cur arran da dy ee, as my t’eh paagh, cur da ushtey dy iu.

Raaghyn Creeney 17:14

Ta toshiaght streeu myr lhiggey raad da thooilley: shen-y-fa lhig voïd anvea, my jed eh er y hoshiaght.

2 Reeaghyn 5:12

Nagh vel Abana as Pharpar, awinyn Damascus, ny share na ooilley ushtaghyn Israel? nagh voddym niee ayndoo as ve glen? Myr shen hyndaa eh, as jimmee eh roish ayns jiarg-eulys.

Raaghyn Creeney 11:13

Ta’n skeealleyder dy vrah cooishyn follit: agh ta dooinney treishteilagh keiltyn y chooish.

Raaghyn Creeney 29:11

Ta’n ommydan fockley magh ooilley e aigney: agh ta persoon creeney dy chummal sthie eh gys traa cooie.

Raaghyn Creeney 20:22

Ny abbyr uss, Cooilleen-yms olk son olk: agh fark er y Chiarn, as nee eh dty livrey.