Raaghyn Creeney 19:1 - Yn Vible Casherick 1775 1819

¹ Ny share ta’n boght ta gimmeeaght ayns e ynrickys, na eh ta camlaagagh ayns e veillyn, as ny ommydan.

Raaghyn Creeney 19:1 ပူးပေါင်းရင်းမြစ်များ

Psalmyn 26:11

Agh er my hon’s, nee’m gimmeeaght gyn loght: O livrey mee, as bee myghinagh dou.

Psalmyn 37:26

Ta’n fer-cairagh dy bragh myghinagh, as geeasaght: as ta e luight er ny vannaghey.

Raaghyn Creeney 12:26

Ta’n dooinney cairal ny s’ooasle na e naboo: agh ta raad ny mee-chrauee cur ad er-shaghryn.

Raaghyn Creeney 14:2

Eh ta gimmeeaght ayns ynrickys, t’eh goaill aggle roish y Chiarn: agh t’eshyn ta camlaagagh ayns e raaidyn soiaghey beg jeh.

Raaghyn Creeney 15:16

Ny share ta red castrey-cair lesh aggle y Chiarn, na mooarane berchys as seaghyn lesh.

Raaghyn Creeney 16:8

Ny share ta red beg lesh cairys, na cosney mooar lesh aggair.

Raaghyn Creeney 19:22

Te yeearree dooinney dy yannoo thurn mie: as ta’n boght ynrick ny share na’n berchagh breagagh.

Raaghyn Creeney 20:7

Ta dooinney cairal shooyl ayns e ynrickys: ta e chloan bannit ny yeï.

Raaghyn Creeney 28:6

Ny share ta’n boght, ta shooyl ayns e ynrickys, na eshyn ta camlaagagh ayns e raaidyn, ga dy vel eh berchagh.

Raaghyn Creeney 4:24

Cur ersooyl voïd beeal foalsey, as meillyn scammyltagh cur foddey voïd.

Isaiah 59:3

Son ta ny laueyn eu sollit lesh fuill, as ny meïr eu lesh mee-chairys; ta ny meillyn eu er loayrt breagyn, ta nyn jengey er n’ockley magh foalsaght.

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.