Raaghyn Creeney 18:7 - Yn Vible Casherick 1775 1819

⁷ Ta beeal ommydan e hoyrt-mow, as ta e veillyn ribbey e annym.

Raaghyn Creeney 18:7 ပူးပေါင်းရင်းမြစ်များ

Psalmyn 140:9

Lhig da olkys nyn meillyn hene tuittym er y chione ocsyn: ta dy my hionney stiagh er dy chooilley heu.

Psalmyn 64:8

Dy feer, ver nyn jengaghyn hene orroo tuittym: ayns wheesh as dy jean adsyn ta fakin ad, garaghtee as craid y yannoo jeu.

Raaghyn Creeney 10:14

Ta deiney creeney stoyrey seose creenaght: agh ta beeal yn ommydan er-gerrey da toyrt-mow.

Raaghyn Creeney 10:8

Nee adsyn ta creeney-chreeagh soiaghey jeh ny annaghyn: agh nee ommydan brynnagh tuittym.

Raaghyn Creeney 12:13

Ta’n fer olk goit liorish mee-reiltys e veillyn hene: agh hig y vooinjer ynrick ass seaghyn.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 14:3

Ayns beeal yn ommydan ta slatt son e voyrn: agh nee meillyn yn vooinjer chreeney adsyn y choadey.

Raaghyn Creeney 16:22

Ta tushtey chibbyr y vea dasyn s’liesh eh: agh te ayns fardail dy ynsaghey ommydanyn.

Raaghyn Creeney 18:8

Ta focklyn skeealleyder myr lhottyn, as ta’n ghah oc roshtyn eer gys y chree.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Raaghyn Creeney 6:2

T’ou ayns ribbey liorish goan dty veeal, t’ou goit lesh focklyn dty veeal hene.

Briwnyn 11:35

As haink eh gy-kione tra honnick eh ee, dy raip eh e eaddagh, as dooyrt eh, Aless, my inneen! t’ou er my injillaghey dy treih, as er hayrn seaghyn trome orrym: son ta mee er vosley my veeal ayns breearrey gys y Chiarn, as cha voddym goll n’oï.