Raaghyn Creeney 18:5 - Yn Vible Casherick 1775 1819

⁵ Dy yannoo soiaghey jeh persoon ny mee-chrauee, cha vel shen mie, ny dy chastey yn dooinney cairal ayns briwnys.

Raaghyn Creeney 18:5 ပူးပေါင်းရင်းမြစ်များ

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Psalmyn 82:2

Caïd ver shiu briwnys aggairagh: as soiaghey jeh persoonyn ny mee-chrauee?

Exodus 23:2

Cha n’eiyr oo er yn ymmodee dy yannoo olk: chamoo nee oo loayrt ayns cooish, dy gholl marish yn ymmodee, dy chassey briwnys.

Exodus 23:3

Chamoo nee oo shassoo lesh y dooinney boght ayns cooish [aggairagh.]

Exodus 23:6

Cha jean oo cassey briwnys dty voght ayns e chooish.

Raaghyn Creeney 17:15

Eshyn ta seyrey ny oolee, as eh ta deyrey ny neu-chyndee, t’ad eer ny-neesht dwoaiagh da’n Chiarn.

Raaghyn Creeney 17:26

Myrgeddin dy aagail magh yn ynrick, cha vel eh mie, ny dy oltooan princeyn son nyn gairys.

Raaghyn Creeney 24:23

Ta ny reddyn shoh neesht bentyn dauesyn ta creeney. Cha vel eh mie dy yannoo soiaghey jeh persoonyn ayns briwnys.

Raaghyn Creeney 28:21

Dy yannoo soiaghey jeh persoonyn deiney, cha vel eh mie: son eer greme dy arran nee yn dooinney shen cassey cairys.

Raaghyn Creeney 31:5

Er-aggle dy n’iu ad, as dy jarrood ad yn leigh, as dy jean ad cassey briwnys dooinney seaghnit erbee.

Isaiah 5:23

Ta seyrey ny mee-chrauee son leagh, as cassey cairys yn dooinney cairal!

Isaiah 59:14

Son ta briwnys er ny chassey, as ta cairys shassoo foddey jeh: son ta’n ynrickys er duittym ayns ny straïdyn, as cha vod corrymid cheet stiagh.

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Micah 3:9

Eaisht-jee rish shoh, ta mee guee erriu, shiuish leeideilee thie Yacob, as princeyn thie Israel, ta dwoaiagh er briwnys, as cassey dy chooilley chairys.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Noo Mian 22:16

As hug ad magh huggey shiartanse jeusyn v’ad-hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Deuteronomy 16:19

Cha jean oo briwnys y chassey; cha jean oo soiaghey jeh persoonyn, chamoo nee oo gioot y ghoaill: son ta gioot dolley sooillyn y vooinjer creeney, as cassey cooishyn y sleih cairagh.