Raaghyn Creeney 18:4 - Yn Vible Casherick 1775 1819

⁴ Ta goan beeal dooinney myr ushtaghyn dowin, as farrane dy chreenaght myr strooan bio.

Raaghyn Creeney 18:4 ပူးပေါင်းရင်းမြစ်များ

Psalmyn 78:2

Nee’m my veeal y osley ayns coraa-dorraghey: ver-ym y bun diu jeh raaghyn doillee yn chenndeeaght;

Raaghyn Creeney 10:11

Ta beeal y dooinney cairagh chibbyr dy vioys: agh nee tranlaase coodaghey eddin y vee-chrauee.

Raaghyn Creeney 13:14

Ta’n leigh da’n dooinney creeney myr chibbyr y vea, dy hyndaa veih ribbaghyn y vaaish.

Raaghyn Creeney 16:22

Ta tushtey chibbyr y vea dasyn s’liesh eh: agh te ayns fardail dy ynsaghey ommydanyn.

Raaghyn Creeney 18:3

Raad ta’n mee-chrauee cheet, ta faghid neesht cheet mârish, as oltooan lesh scammylt.

Raaghyn Creeney 20:5

Ta coyrle ayns cree dooinney goll-rish ushtey dowin: agh nee dooinney schleioil tayrn magh eh.

Noo Mian 12:34

O shiuish heeloghe dy ard-nieughyn, kys oddys shiuish ta olk shiu hene, reddyn mie y loayrt? son ass laanid y chree ta’n beeal loayrt.

Noo Ean 4:14

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.

Colossianee 4:6

Lhig da’n ghlare eu dy kinjagh ve jeant blaystal lesh y sollan dy ghrayse, dy vod fys y ve eu cre’n ansoor ver shiu da dy chooilley ghooinney.