Raaghyn Creeney 18:23 - Yn Vible Casherick 1775 1819

²³ Ta’n boght guee as geearree: agh ta’n berchagh gansoor dy baggyrtagh.

Raaghyn Creeney 18:23 ပူးပေါင်းရင်းမြစ်များ

Genesis 42:30

Yn dooinney ta chiarn ny cheerey, loayr eh dy baggyrtagh rooin, as ghow eh shin son peeikearyn ’sy cheer.

Genesis 42:7

As honnick Joseph e vraaraghyn, as va enney echey orroo, agh dymmyrk eh eh-hene myr joarree daue, as loayr eh dy mooaralagh roo: as dooyrt eh roo, Cre veih ta shiuish? As dooyrt ad, Veih cheer Chanaan, dy chionnaghey beaghey.

1 Reeaghyn 12:13

As dreggyr yn ree y pobble dy baggyrtagh, as hreig eh coyrle ny shenn gheiney;

2 Recortyssyn 10:13

As dansoor yn ree ad dy baggyrtagh: as hreig ree Rehoboam coyrle ny shenn gheiney,

Lioar Yob 41:3

Jean eh ymmodee accanyn hood? ny brynneraght rhyt ayns goan meeley?

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Raaghyn Creeney 19:7

Ta deiney-mooinjer y voght ooilley dy choyrt cooyl rish: cre-woad smoo ta e chaarjyn goll foddey veih? t’eh geiyrt orroo lesh e ghoan, agh cha vel geill oc da.

Raaghyn Creeney 22:7

Ta’n berchagh reill harrish y voght, as ta’n yeeaseyder ayns ammys yn yeeaseydagh.

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Jamys 2:3

As dy vel shiu goaill tastey jehsyn ta ceau yn coamrey mie, as gra rish, Soie uss ayns shoh ayns ynnyd ooasle; as gra rish y voght, Shass uss ayns shid, ny, soie ayns shoh fo stoyl my choshey:

Jamys 2:6

Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill-vriwnys?

Ruth 2:7

As dooyrt ee, Ta mee guee erriu, lhig dou jeeassyragh geiyrt er ny beayneeyn fud ny bunneeyn: shoh myr haink ee, as t’ee er vuirriaght er-dyn voghrey derrey nish, agh dy jagh ee thie son tammylt.

1 Samuel 2:36

As hig eh gy-kione, dy jig dy chooilley unnane vees er-mayrn jeh dty hie dy chroymmey huggey son peesh dy argid, as son greme dy arran, as dy jir eh, Cur dou red ennagh dy yannoo, ta mee guee ort, mysh oik y taggyrt, dy vod greme d’arran ve aym dy ee.

1 Samuel 25:10

As dreggyr Nabal sharvaantyn Ghavid, as dooyrt eh, Quoi David? as quoi mac Jesse? Ta ymmodee sharvaantyn er ny laghyn shoh ta cosney roue, as faagail nyn mainshtyr.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.