Raaghyn Creeney 18:22 - Yn Vible Casherick 1775 1819

²² Quoi-erbee ta geddyn ben (vie) t’eh geddyn gioot mie, as cosney bannaght veih’n Chiarn.

Raaghyn Creeney 18:22 ပူးပေါင်းရင်းမြစ်များ

Genesis 2:18

As dooyrt y Chiarn Jee, Cha vel eh mie yn dooinney dy ve ny-lomarcan: neem’s sheshey da son cooney cooie er e hon.

Genesis 24:67

As hug Isaac lesh ee gys cabbane Sarah e voir, as ghow eh Rebekah, as v’ee yn ven echey; as v’eh graihagh urree: as va Isaac er ny gherjaghey lurg baase e vayrey.

Genesis 29:28

As ren Jacob shen, as chooilleen eh yn chiaghtin mâree: As hug eh Rachel e inneen da son ben myrgeddin.

Raaghyn Creeney 12:4

Ta ben vie myr attey aalin da’n sheshey eck: agh ish ta tayrn nearey er, t’ee myr loauid ayns e chraueyn.

Raaghyn Creeney 19:14

Ta thieyn as berchys eiraght ayraghyn: as ta ben lowal veih’n Chiarn.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Raaghyn Creeney 8:35

Son quoi-erbee ta dy my gheddyn, t’eh geddyn bea, as cosney foayr veih’n Chiarn.

Ecclesiastes 9:9

Jean beaghey dy gerjoil marish y ven shynney lhiat, ooilley laghyn dty vea varvaanagh, t’eh fordrail dhyt fo’n ghrian, ooilley laghyn dty ardail: son shen dty chronney ’sy vea shoh, as ayns dty obbyr t’ou dy ghoaill fo’n ghrian.

Hosea 12:12

As ren Jacob chea gys cheer Syria, as ren Israel failley eh-hene son ben, as son ben v’eh ny vochilley keyrragh.

1 Corinthianee 7:2

Ny-yeih, dy haghney maarderys, lhig da e ven hene ve ec dagh dooinney, as dagh ben e sheshey hene.

Ruth 4:10

Marish shoh, Ruth yn Moabitess, ben Mahlon, ta mee er chionnaghey dy ve my ven’s, dy chummal seose ennym y varroo ayns e eiraght, nagh bee ennym y varroo er ny yiarey jeh veih mastey e vraaraghyn, as veih giat e phobble: ta shiu nyn veanishyn yn laa jiu.