Raaghyn Creeney 18:18 - Yn Vible Casherick 1775 1819

¹⁸ Ta lottyn coyrt streeughyn gy-kione, as reaghey boiraghyn eddyr deiney niartal.

Raaghyn Creeney 18:18 ပူးပေါင်းရင်းမြစ်များ

1 Recortyssyn 24:31

Hayrn ad shoh lottyn myrgeddin myr ren nyn mraaraghyn mec Aaron, fenish Ghavid y ree, as Zadok, as Ahimelech, as ard-gheiney ayraghyn ny saggyrtyn as ny Leviteyn, eer ny ard-ayraghyn myr ren nyn mraaraghyn saa.

1 Recortyssyn 6:63

Da mec Merari v’er ny choyrt liorish cronney, trooid ny kynneeyn oc, ass tribe Reuben, as jeh tribe Ghad, as tribe Zebulun, daa ard-valley jeig.

Nehemiah 11:1

As va fir-reill y pobble cummal ayns Jerusalem: hilg yn chooid elley jeh’n pobble lottyn, dy chur lhieu dy chooilley yeihoo ghooinney dy vaghey ayns Jerusalem yn ard-valley casherick, as nuy ayrnyn dy vaghey ayns ny ard-valjyn elley.

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Raaghyn Creeney 18:17

Eh ta loayrt hoshiaght ayns e chooish hene, er-lhiat dy vel eh ’sy chair: agh ta e naboo cheet, as dy rassey trooid eh.

Raaghyn Creeney 18:19

Ta braar, as corree er, ny s’doillee dy ve cosnit na ard-valley lajer: as ta mee-choardail braaraghyn myr boltyn cashtal.

Joshua 14:2

Liorish lottyn va nyn eiraght, myr ren y Chiarn sarey liorish Moses, da ny nuy tribeyn, as son y tribe dy lieh.

1 Samuel 14:41

Eisht dooyrt Saul rish y Chiarn Jee Israel, Cur dooin cowrey cronnal. As haink y cowrey magh er Saul as Jonathan: agh va’n pobble er nyn seyrey.

1 Samuel 14:42

As dooyrt Saul, Tilg-jee lottyn eddyr mish as Jonathan my vac. As va Jonathan goit.