Raaghyn Creeney 18:14 - Yn Vible Casherick 1775 1819

¹⁴ Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Raaghyn Creeney 18:14 ပူးပေါင်းရင်းမြစ်များ

Lioar Yob 6:4

Son ta sideyn yn Ooilley-niartal cheu-sthie jee’m, ta’n pyshoon oc soo seose my spyrryd: ta atchimyn Yee soiaghey ad-hene ayns order-caggee m’oï.

Psalmyn 109:22

Ta mee goll ass shoh myr y scadoo ta scughey ersooyl: ta mee eiyrit noon as noal myr y locust.

Psalmyn 147:3

T’eh dy lheihys adsyn ta brisht ayns cree: as coyrt medshin dy laanaghey ny doghanyn oc.

Psalmyn 55:3

Ta lheid yn yllagh er my noid, as ta ny mee-chrauee cheet orrym cha chion: son t’ad kiarit dy yannoo olk ennagh dou, cha goanlyssagh shen t’ad soit m’oï.

Psalmyn 55:5

Ta aggle as creau er jeet orrym: as ta atchim seaghnagh er my hilgey harrish.

Exodus 6:9

As shoh myr loayr Moses rish cloan Israel: agh cha dug ad geill da Moses, trooid sproght nyn gree, as y vondiaght dewil.

Raaghyn Creeney 15:13

Ta cree boggoil jannoo eddin gennal: agh liorish trimshey yn chree, ta’n spyrryd er ny vrishey.

Raaghyn Creeney 17:22

Ta cree gennal jannoo follan myr medshin: agh ta spyrryd brisht shirgaghey ny craueyn,

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 2:7

Myr shen dy bare diu er yn aght elley leih da, as gerjaghey eh, er-aggle dy beagh e lheid sluggit seose lesh rouyr trimshey.

Jamys 1:2

My vraaraghyn, jeeagh-jee er myr oyr dy ard-voggey tra huittys shiu ayns caghlaaghyn dy heaghyn;

1 Peddyr 1:6

Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn: