Raaghyn Creeney 18:10 - Yn Vible Casherick 1775 1819

¹⁰ Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Raaghyn Creeney 18:10 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

2 Samuel 22:2

As dooyrt eh, Yn Chiarn my chreg, my hoor lajer, as my er-livreyee;

2 Samuel 22:3

Jee my chreg; ersyn ver-ym my varrant: eshyn my scaa, as niart my haualtys, my hoor ard, as my chemmyrk, my haualtagh; t’ou sauail mee veih tranlaasee.

2 Samuel 22:51

Eshyn yn toor dy haualtys son e ree; as t’eh soilshaghey myghin da e er-ooilit, da David, as da e luight er son dy bragh.

Psalmyn 144:2

My varrant as my hoor lajer, my chashtal as m’er-livreyee, my endeilagh ayn ta mee treishteil: ta smaghtaghey yn pobble ta fo my reill.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 20:2

Dy der eh cooney hood veih’n ynnyd casherick: as dy jean eh dty niartaghey magh ass Sion.

Psalmyn 27:1

Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 91:14

Er-yn-oyr dy vel eh er hoiaghey e ghraih orrym, shen-y-fa livrey-ym eh: neem’s eh y hoiaghey seose, er-y-fa dy vel enney echey er m’Ennym.

Psalmyn 91:2

Jir-ym rish y Chiarn, Uss my hreishteil, as my hoor lajer: my Yee, ersyn ver-ym my varrant;

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Raaghyn Creeney 14:26

Ayns aggle y Chiarn ta shickyrys treishteil: as ec y chloan echey vees boayl dy chemmyrk.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Isaiah 26:4

Treisht-jee ayns y Chiarn dy bragh: son ayns y Chiarn Jehovah ta niart dy bragh farraghtyn.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Habakkuk 3:19

Ta’n Chiarn Jee my niart, as nee eh my chassyn myr cassyn feeaïh, as ver eh orrym shooyl er my ynnydyn ard. Gys yn ard-chiaulleyder er my ghreïnyn strengit.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Ashlish 1:8

Mish Alpha as Omega, yn toshiaght as y jerrey, ta’n Chiarn dy ghra, ta, as va, as ta dy heet, yn Ooilley-niartal.

1 Samuel 17:45

Eisht dooyrt David rish y Philistine, T’ou uss cheet m’oï lesh cliwe, as lesh shleiy, as lesh scape; agh ta mish cheet dt’oï’s ayns ennym y Chiarn dy phooaraghyn niau, Jee armeeyn Israel, t’ou uss er choyrt nyn-lane foue.

1 Samuel 30:6

As va David dy mooar seaghnit; son va’n pobble aarloo dy chlaghey eh, er-yn-oyr dy row cree ooilley’n pobble trimshagh, dy chooilley ghooinney son e vec, as e inneenyn: agh hug David e varrant ayns y Chiarn e Yee.