Raaghyn Creeney 18:1 - Yn Vible Casherick 1775 1819

¹ Ta dooinney, lurg e aigney, scarrey eh-hene [veih cooishyn elley] as shirrey magh, as dellal ayns dy chooilley chreenaght.

Raaghyn Creeney 18:1 ပူးပေါင်းရင်းမြစ်များ

Exodus 33:16

Son cre liorish vees eh er ny hoilshaghey ayns shoh dy vel mish as dty phobble er gheddyn foayr ayns dty hilley’s? Nagh nee liorish dy vel oo goll mârin? Myr shoh bee mayd orrin hene, mish as dty phobble, er nyn scarrey voish dy chooilley phobble t’er eaghtyr y thallooin.

Raaghyn Creeney 14:10

Ta’n cree gennaghtyn e herriuid hene, as cha vel ec joarree dy yannoo rish e voggey.

Raaghyn Creeney 17:14

Ta toshiaght streeu myr lhiggey raad da thooilley: shen-y-fa lhig voïd anvea, my jed eh er y hoshiaght.

Raaghyn Creeney 20:19

Eh ta goll mygeayrt myr skeealleyder, t’eh dy vrah folliaghtyn: er-y-fa shen, ny bee veg ayd dy yannoo rishyn, ta brynneraght lesh e veillyn.

Raaghyn Creeney 20:3

Te son goo mie dooinney dy chur streeu dy fea: agh bee dy chooilley pheeikear jannoo boirey.

Raaghyn Creeney 24:21

My vac, bee uss ayns aggle y Chiarn, as y ree: as ny bee veg ayd dy yannoo roosyn ta shirrey caghlaa.

Raaghyn Creeney 26:17

Eshyn ta trooid taghyrt goaill ayrn ayns streeu, nagh vel bentyn da, t’eh myr fer ta goaill moddey ry-chleayshyn.

Raaghyn Creeney 3:21

My vac, ny lhig ad ass dty hilley: freill yn ynrycan creenaght, as keeayll vie.

Raaghyn Creeney 8:14

Mârym’s ta coyrle vie, as keeayl fondagh: mish tushtey, as mish niart.

Jeremiah 15:17

Cha hoie mee ayns sheshaght ny gannidee, cha row taitnys aym ayndoo; chum mee orrym pene, fo dty laue’s orrym: son t’ou er my lhieeney lesh dty yymmoose.

Zechariah 7:3

As dy loayrt rish ny saggyrtyn, va ayns thie Chiarn ny flaunyssee, as rish ny phadeyryn, gra, Vel eh orrin dy ghobberan ayns y wheiggoo vee, freayll trostey, myr ta shin er n’yannoo ny ymmodee bleeantyn shoh?

Noo Mian 13:11

Dreggyr eshyn, as dooyrt eh roo, Er-yn-oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Mian 13:44

Reesht ta reeriaght niau goll-rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Noo Mark 1:35

As moghrey laa-ny-vairagh dirree eh foddey roish y laa, as hie eh magh, as jimmee eh gys boayl faasagh, as ayns shen ghow eh padjer.

Noo Mark 4:11

As dooyrt eh roo, Diuish te er ny choyrt dy hoiggal folliaght reeriaght Yee: agh dauesyn ta mooie, ta dy chooilley nhee jeant ayns coraaghyn-dorraghey:

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Deuteronomy 14:6

As dy chooilley vaagh ta rheynn yn yngyn, as skeilt-chassagh, as caigney-cheeilley mastey beiyn: shen nee shiu gee.

Jude 1:19

Shoh ad ta scarrey ad-hene voïn, sleih foalley, fegooish Spyrryd Yee.