Raaghyn Creeney 17:9 - Yn Vible Casherick 1775 1819

⁹ Eshyn ta coodaghey foill, t’eh cosney aigney-mie: eshyn ta doostey’n chooish, t’eh jannoo brishey eddyr eer caarjyn.

Raaghyn Creeney 17:9 ပူးပေါင်းရင်းမြစ်များ

Psalmyn 32:1

Bannit t’eshyn ta e neu-chairys er ny leih da: as e pheccah er ny choodaghey.

Raaghyn Creeney 10:12

Ta myskid doostey streeu: agh ta graih coodaghey dy chooilley pheccah.

Raaghyn Creeney 16:28

Ta’n er-connyssagh cuirr anvea, as ta’n scammyltagh jannoo scarrey eddyr eer caarjyn.

Raaghyn Creeney 17:10

Ta coyrle vie goaill greme share er dooinney creeney, na keead builley er yn ommydan.

1 Corinthianee 13:4

Ta graih surranse-foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

Jamys 5:20

Lhig da fys ’ve echey, dy jean eshyn ta chyndaa yn peccagh veih shaghrynys e raad, sauail annym veih baase, as ymmodee peccaghyn y choodaghey.

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.