Raaghyn Creeney 17:8 - Yn Vible Casherick 1775 1819

⁸ Ta gioot myr jewel costal ayns ny sooillyn echeysyn ta goaill eh: te goaill raad ayns dy chooilley chooish.

Raaghyn Creeney 17:8 ပူးပေါင်းရင်းမြစ်များ

Genesis 32:14

Daa cheead goair woirryn, as feed goair fyrryn, daa cheead keyrrey, as feed rea.

Genesis 32:21

Myr shen va’n gioot er ny choyrt harrish roish: as ghow eh hene aaght yn oie shen ’sy cheshaght.

Genesis 43:11

As dooyrt Israel nyn ayr roo, My shegin da ve myr shen nish, shoh jean-jee; gow-jee jeh messyn share y cheer ayns nyn siyn, as cur-jee lhieu gioot sheese da’n dooinney, red beg dy valm, as kuse dy vill, spiceyn as myrrh, croyn as almonyn.

Psalmyn 18:16

Ver eh cooney veih’n yrjid dy my hauail: as nee eh m’y ghoaill ass ymmodee ushtaghyn.

Psalmyn 19:6

T’eh goll magh veih’n ayrn sodjey jeh’n aer, as goaill combaase mygeayrt ny ardjyn echey reesht: as cha vel nhee erbee follit veih’n chiass echey.

Psalmyn 21:13

Bee uss, Hiarn, er dty hoiaghey seose ayns dty niart hene: myr shen nee mayd goaill arrane, as moylley ’choyrt da dty phooar.

Psalmyn 29:4

She’n Chiarn ta reill y faarkey; ta coraa’n Chiarn niartal ayns bree: ta coraa yn Chiarn coraa gloyroil.

Exodus 23:8

Cha jean oo gioot y ghoaill, son ta’n gioot dolley sooillyn y tushtey, as cur gyn bree goan yn vooinjer ynrick.

Raaghyn Creeney 17:23

Ta dooinney mee-chrauee goaill leagh dy follit, dy chassey raaidyn y vriwnys.

Raaghyn Creeney 18:16

Ta gioot dooinney jannoo raad da, as cur lesh eh gys sheshaght deiney mooarey.

Raaghyn Creeney 21:14

Ta gioot follit mooghey jymmoose, as leagh ’syn oghrish corree hrome.

Ecclesiastes 7:7

Ta tranlaase son shickyrys cur dooinney creeney ass e cheeayl; as ta gioot cur yn cree er-shaghryn.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Amos 5:12

Son shione dooys nyn ymmodee loghtyn as earroo nyn ard-pheccaghyn: t’ad seaghney yn vooinjer chairal, t’ad goaill leagh, as cassey cooish chairal y voght ’sy yiat.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Deuteronomy 16:19

Cha jean oo briwnys y chassey; cha jean oo soiaghey jeh persoonyn, chamoo nee oo gioot y ghoaill: son ta gioot dolley sooillyn y vooinjer creeney, as cassey cooishyn y sleih cairagh.

1 Samuel 25:35

Myr shen ghow David veih’n laue eck shen ny hug ee lh’ee; as dooyrt eh r’ee, Gow seose gys dty hie ayns shee: jeeagh, ta mee er n’eaishtagh rish dty choraa, as er n’yannoo soiagh jeed hene.