Raaghyn Creeney 17:23 - Yn Vible Casherick 1775 1819

²³ Ta dooinney mee-chrauee goaill leagh dy follit, dy chassey raaidyn y vriwnys.

Raaghyn Creeney 17:23 ပူးပေါင်းရင်းမြစ်များ

Exodus 23:8

Cha jean oo gioot y ghoaill, son ta’n gioot dolley sooillyn y tushtey, as cur gyn bree goan yn vooinjer ynrick.

Raaghyn Creeney 17:8

Ta gioot myr jewel costal ayns ny sooillyn echeysyn ta goaill eh: te goaill raad ayns dy chooilley chooish.

Raaghyn Creeney 18:16

Ta gioot dooinney jannoo raad da, as cur lesh eh gys sheshaght deiney mooarey.

Raaghyn Creeney 21:14

Ta gioot follit mooghey jymmoose, as leagh ’syn oghrish corree hrome.

Ecclesiastes 7:7

Ta tranlaase son shickyrys cur dooinney creeney ass e cheeayl; as ta gioot cur yn cree er-shaghryn.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Isaiah 5:23

Ta seyrey ny mee-chrauee son leagh, as cassey cairys yn dooinney cairal!

Ezekiel 22:12

Aynyd’s t’ad er ghoaill leagh son deayrtey fuill, t’ou er ghoaill use as bishaghey, as t’ou dy sondagh er ghoaill vondeish er-êgin dty naboonyn, as t’ou er my yarrood, ta’n Chiarn Jee dy ghra.

Ezekiel 22:27

Ta ny princeyn eck ayns e mean, myr moddee-oaldey jollyssagh lurg y spooilley, dy gheayrtey fuill, as dy stroie anmeenyn, dy gheddyn cosney neu-chairagh.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Micah 3:9

Eaisht-jee rish shoh, ta mee guee erriu, shiuish leeideilee thie Yacob, as princeyn thie Israel, ta dwoaiagh er briwnys, as cassey dy chooilley chairys.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Deuteronomy 16:19

Cha jean oo briwnys y chassey; cha jean oo soiaghey jeh persoonyn, chamoo nee oo gioot y ghoaill: son ta gioot dolley sooillyn y vooinjer creeney, as cassey cooishyn y sleih cairagh.

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 8:3

As cha ren e vec shooyl ayns e raaidyn; agh v’ad shêgin er cosney, as ghow ad giootyn, as ren ad cassey briwnys.