Raaghyn Creeney 17:22 - Yn Vible Casherick 1775 1819

²² Ta cree gennal jannoo follan myr medshin: agh ta spyrryd brisht shirgaghey ny craueyn,

Raaghyn Creeney 17:22 ပူးပေါင်းရင်းမြစ်များ

Psalmyn 22:15

Ta my niart chyrmit seose myr peesh dy haagh-craie, as ta my hengey lhiantyn gys my ghruntyn: as ver uss lhiat mee gys joan y vaaish.

Raaghyn Creeney 12:25

Ta trimshey ayns cree dooinney cur er croymmey: agh ta fockle dooie jannoo gennal jeh.

Raaghyn Creeney 15:13

Ta cree boggoil jannoo eddin gennal: agh liorish trimshey yn chree, ta’n spyrryd er ny vrishey.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 18:14

Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Ecclesiastes 2:2

Dooyrt mee jeh garaghtee, Te ass e cheeayl: as jeh reaïd, Cre’n foays t’ayn?

2 Corinthianee 2:7

Myr shen dy bare diu er yn aght elley leih da, as gerjaghey eh, er-aggle dy beagh e lheid sluggit seose lesh rouyr trimshey.

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.