Raaghyn Creeney 17:21 - Yn Vible Casherick 1775 1819

²¹ Eshyn ta geddyn mac mee-cheeayllagh, t’eh gys e hrimshey: as s’beg y gherjagh t’ec ayr yn ommydan.

Raaghyn Creeney 17:21 ပူးပေါင်းရင်းမြစ်များ

Genesis 26:34

As va Esau da-eed bleïn dy eash, tra phoose eh Judith, inneen Beeri yn Hittite, as Bashemath inneen Elon yn Hittite:

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

Raaghyn Creeney 10:1

Raaghyn creeney Solomon. Ta mac creeney gerjagh e ayrey; agh ta mac ommijagh trimshey da e voir.

Raaghyn Creeney 15:20

Ta mac creeney jannoo ayr gennal; agh ta dooinney ommijagh soiaghey beg jeh e voir.

Raaghyn Creeney 17:25

Ta mac neu-chreeney trimshey da e ayr, as sherriuid jeeish dymmyrk eh.

Raaghyn Creeney 19:13

Ta ommydan dy vac seaghyn e ayrey: as ta beealerey dy ven myr faarn kinjagh ayns thie.

2 Corinthianee 2:3

As shoh scrieu mish hiu, er-aggle tra harrin, dy beagh trimshey aym vouesyn lhisin boggey ’ghoaill jeu, myr ta my hreishteil mychione eu ooilley, dy vel yn boggey aym’s yn boggey eu ooilley.

3 Ean 1:4

Cha vel boggey smoo aym na dy chlashtyn dy vel my chloan gimmeeaght ayns yn irriney.

1 Samuel 8:3

As cha ren e vec shooyl ayns e raaidyn; agh v’ad shêgin er cosney, as ghow ad giootyn, as ren ad cassey briwnys.