Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.
As ver-ym er dty hie dy ve goll-rish thie Yeroboam mac Nebat, as goll-rish thie Vaasha mac Ahijah, son dty ghrogh-yannoo lesh t’ou er m’y vrasnaghey gys corree, as er hayrn Israel gys peccah.
Jeeagh nagh jean veg j’iu cooilleeney olk son olk da dooinney erbee: agh dy bragh eiyr-jee er shen ta mie, chammah nyn mast’ eu hene, as rish dy chooilley ghooinney.
Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er nyn eam, dy vod shiu bannaght y gheddyn myr eiraght.
As loayr Jonathan fockle mie son David rish Saul e ayr, as dooyrt eh rish, Ny lhig da’n ree peccah yannoo noi e harvaant, noi David; er-yn-oyr nagh vel eh er n’yannoo peccah dt’oï, as er-yn-oyr dy vel eh er hirveish oo dy firrinagh.
(Nish va David er ghra, Nagh row beggan aym dy yannoo dy reayll ooilley ny t’ec eh shoh ayns yn aasagh, myr shen nagh row wheesh as keyrrey dy choayl er: as t’eh er chooilleeney olk son mie.