Raaghyn Creeney 17:12 - Yn Vible Casherick 1775 1819

¹² Lhig da muc-awin t’er choayl e quallianyn ve quaaltagh dooinney, roish ommydan ayns farg.

Raaghyn Creeney 17:12 ပူးပေါင်းရင်းမြစ်များ

2 Samuel 17:8

Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

2 Reeaghyn 2:24

As hyndaa eh mygeayrt, as yeeagh eh orroo, as ghwee eh daue ayns ennym y Chiarn. As haink daa vuc-awin woirryn ass y cheyll, ren raipey jees as da-eed jeu.

Raaghyn Creeney 17:11

Ta drogh ghooinney soit ynrycan er anvea: shen-y-fa bee chaghter dewil currit magh n’oï.

Raaghyn Creeney 27:3

Ta’n clagh trome, as ta’n genniagh errey doillee dy ymmyrkey: agh ta farg yn ommydan ny s’trimmey na ad ny-neesht.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Raaghyn Creeney 29:9

My ta dooinney creeney dellal rish ommydan, edyr eh ve corree ny craid cha der eh fea dhyt.

Hosea 13:8

Ver-ym quaaltagh daue myr y vuc-awin ta er choayl e quallianyn, as raip-ym skairt y chree oc, as shen y raad myr lion nee’m stroie ad: nee yn veisht oaldey ad y raipey.

Noo Mian 2:16

Eisht Herod toiggal dy row eh mollit liorish ny deiney-creeney, v’eh erskyn-towse eulyssagh, as hug eh magh sarey, as varr eh ooilley ny lhiennoo-mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney-creeney.