Raaghyn Creeney 17:10 - Yn Vible Casherick 1775 1819

¹⁰ Ta coyrle vie goaill greme share er dooinney creeney, na keead builley er yn ommydan.

Raaghyn Creeney 17:10 ပူးပေါင်းရင်းမြစ်များ

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 15:5

Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 17:11

Ta drogh ghooinney soit ynrycan er anvea: shen-y-fa bee chaghter dewil currit magh n’oï.

Raaghyn Creeney 17:9

Eshyn ta coodaghey foill, t’eh cosney aigney-mie: eshyn ta doostey’n chooish, t’eh jannoo brishey eddyr eer caarjyn.

Raaghyn Creeney 19:25

Smaghtee yn craidoilagh, as nee yn vooinjer ôney goaill tastey: as coyrlee dooinney toiggalagh, as gowee eh tushtey.

Raaghyn Creeney 27:22

Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Raaghyn Creeney 29:19

Cha vel drogh harvaant dy ve smaghtit lesh focklyn: son ga dy vel eh toiggal oo, cha jean eh freggyrt.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.