8 Ny share ta red beg lesh cairys, na cosney mooar lesh aggair.
Ta’n red fardalagh t’ec y dooinney cairagh: ny share na berchys vooar ny mee-chrauee.
Ny share ta red castrey-cair lesh aggle y Chiarn, na mooarane berchys as seaghyn lesh.
Ny share ta lhongey dy lossreeyn lesh aigney-mie, na brawn beiyht, as myskid lesh.
Tra ta kenjallys y Chiarn er raaidyn dooinney, t’eh coyrt er eer e noidyn ’ve ec shee rish.
Ta cree dooinney kiarail ro-laue: agh shee yn Chiarn ta reill e chesmadyn.
Ny share ta greme chirrym (dy arran) as fea lesh, na lane thie dy yien mie, lesh anvea.
Ny share ta’n boght, ta shooyl ayns e ynrickys, na eshyn ta camlaagagh ayns e raaidyn, ga dy vel eh berchagh.
Ny share ta lane doayrn lesh fea, na daa lane doayrn lesh tooilleil as seaghney cree.
Myr ta’n kiark-rhennee soie er oohyn, as nagh vel ee guirr aalagh; myr shen eshyn ta cosney berchys, as cha nee dy cairagh, faagee eh ad ayns mean e laghyn, as ec y jerrey bee eh ny ommydan.
Vel foast ny tashtaghyn dy vee-chairys ayns thie ny mee-chairal, as yn towse giare ta feohdagh?