Raaghyn Creeney 16:6 - Yn Vible Casherick 1775 1819

⁶ Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 16:6 ပူးပေါင်းရင်းမြစ်များ

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Nehemiah 5:9

Dooyrt mee ny-sodjey, Cha vel shiu jannoo dy mie, nagh lhisagh shiu gimmeeaght ayns aggle yn Jee ain, kyndagh rish oltooan ny ashoonee nyn noidyn?

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Psalmyn 85:10

Ta myghin as firrinys er choyrt quaaltys dy cheilley: ta cairys as shee er phaagey yn derrey yeh yn jeh elley.

Exodus 1:17

Agh va ny mraane-reaylt ayns aggle Yee, as cha ren ad myr doardee ree Egypt daue, agh haue ad ny lhiennoo-mec bio.

Exodus 20:20

As dooyrt Moses rish y pobble, Ny bee aggle erriu: son ta Jee er heet dy phrowal shiu, as dy vod yn aggle echey ve roish nyn sooillyn, nagh jean shiu peccah.

Raaghyn Creeney 14:16

Ta dooinney creeney goaill aggle, as scarrey rish olk: agh ta’n ommydan dewil as daaney.

Raaghyn Creeney 14:2

Eh ta gimmeeaght ayns ynrickys, t’eh goaill aggle roish y Chiarn: agh t’eshyn ta camlaagagh ayns e raaidyn soiaghey beg jeh.

Raaghyn Creeney 14:27

Ta aggle y Chiarn farrane y vea, dy haghney ribbaghyn y vaaish.

Raaghyn Creeney 16:5

Ta dy chooilley ghooinney ard-chreeagh dwoaiagh da’n Chiarn: ga dy jean laue niartaghey laue, cha bee ad gyn kerraghey.

Raaghyn Creeney 20:28

Ta myghin as firrinys coadey yn ree: as ta e stoyl-reeoil cummit seose liorish trocairys.

Raaghyn Creeney 3:3

Ny lhig da myghin, as firrinys treigeil oo: kiangle ad mysh dty wannal, scrieu ad er glaare dty chree.

Raaghyn Creeney 3:7

Ny bee creeney ayns dty hooillyn hene: gow aggle roish y Chiarn, as scarr rish yn olk.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Daniel 4:24

Shoh bun yn ashlish, O ree, as shoh oardagh yn Jee smoo syrjey, ta er jeet er my hiarn y ree:

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Leviticus 25:17

Shen-y-fa, cha jean shiu tranlaase er y cheilley; agh nee uss goaill aggle roish dty Yee; son mish y Chiarn y Jee eu.

Noo Luke 11:41

Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Ephesianee 5:21

Ginjillaghey shiu hene yn derrey yeh gys y jeh elley ayns aggle Yee.

Deuteronomy 30:13

Chamoo te cheu elley jeh’n aarkey, dy niarragh oo, Quoi hed harrish y cheayn er nyn son, dy choyrt lesh hooin eh, dy vod mayd clashtyn, as jannoo eh?

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee-jee dy jeean graihagh yn derrey yeh er y jeh elley lesh cree glen: