Raaghyn Creeney 16:4 - Yn Vible Casherick 1775 1819

⁴ Ta’n Chiarn er n’yannoo dy chooilley nhee er e hon hene: eer ny drogh-yantee cour laa yn cherraghey.

Raaghyn Creeney 16:4 ပူးပေါင်းရင်းမြစ်များ

Genesis 1:31

As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Lioar Yob 15:23

T’eh rouail mygeayrt son arran, gra, C’raad te? ta fys echey dy vel lane dorraghys er-gerrey da.

Lioar Yob 21:30

Dy vel ny mee-chrauee er ny reayll gys laa ny briwnys? bee ad er ny chur lhieu magh ayns laa’n jymmoose.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Raaghyn Creeney 16:5

Ta dy chooilley ghooinney ard-chreeagh dwoaiagh da’n Chiarn: ga dy jean laue niartaghey laue, cha bee ad gyn kerraghey.

Ecclesiastes 3:11

T’eh er n’yannoo dy chooilley nhee aalin ayns e imbagh hene: t’eh myrgeddin er choyrt daue cree tastagh ’sy theihll, ga nagh vod dooinney erbee roshtyn gys slane toiggal ny obbraghyn ta Jee dy yannoo veih’n toshiaght gys y jerrey.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 43:7

Eer dagh unnane ta enmyssit orrym’s: son ta mee er chroo eh son my ooashley, ta mee er chummey eh; dy jarroo, ta mee er chiaddey eh.

Romanee 11:36

Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Romanee 9:22

Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse-foddey rish ny siyn dy chorree aarloo son toyrt-mow:

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee-viallagh, gys shen v’ad myrgeddin er nyn bointeil.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.