Raaghyn Creeney 16:32 - Yn Vible Casherick 1775 1819

³² Eshyn ta moal gys corree, t’eh ny s’ooasle na’n er niartal, as eh ta freayll e spyrryd hene fo smaght, na eshyn ta goaill ard-valley.

Raaghyn Creeney 16:32 ပူးပေါင်းရင်းမြစ်များ

2 Reeaghyn 5:12

Nagh vel Abana as Pharpar, awinyn Damascus, ny share na ooilley ushtaghyn Israel? nagh voddym niee ayndoo as ve glen? Myr shen hyndaa eh, as jimmee eh roish ayns jiarg-eulys.

Psalmyn 103:8

Ta’n Chiarn lane dy hymmey as dy vyghin: surranse-foddey, as jeh mieys vooar.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Raaghyn Creeney 15:18

Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 16:19

Ny share te, dy ve jeh spyrryd injil marish ny imlee, na dy rheynn spooilley marish ny mooaralee.

Raaghyn Creeney 16:31

Ta’n kione lheeah attey dy ghloyr, my te ry-gheddyn ayns raad yn ynrickys.

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Raaghyn Creeney 19:11

Ta keeayl dooinney dy chastey e chorree: as te yn ghloyr echey [ny cheayrtyn] dy lhiggey lesh yn aggair.

Raaghyn Creeney 25:15

Liorish meenid ta prince er ny veiyghey, as ta chengey veeley brishey eer craueyn.

Raaghyn Creeney 25:28

Eshyn nagh vel echey reill harrish e spyrryd hene, t’eh myr ard-valley traartagh, as gyn voallaghyn.

Ecclesiastes 7:8

Ta jerrey’n chooish ny share na’n toshiaght: as ta’n cree surransagh ny share na’n chree mooaralagh.

Ecclesiastes 7:9

Ny cur raad da corree siyragh ayns dty chree: son ta corree tannaghtyn ayns cleeau yn ommydan.

Romanee 12:21

Ny lhig da’n olk barriaght y gheddyn ort, agh fow barriaght er yn olk lesh jannoo mie.

Ephesianee 5:1

Bee-jee shiuish er-y-fa shen eiyrtyssee dy Yee, myr cloan ennoil;

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Ashlish 3:21

Dasyn ta geddyn y varriaght low-yms dy hoie mârym er my stoyl-reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl-reeoil echeysyn.