Raaghyn Creeney 16:23 - Yn Vible Casherick 1775 1819

²³ Ta’n cree creeney freayll e veeal fo smaght, as coyrt toiggal da e veillyn.

Raaghyn Creeney 16:23 ပူးပေါင်းရင်းမြစ်များ

Lioar Yob 15:2

Vel dooinney creeney dy loayrt goan fardalagh, as lhieeney e chleeau lesh y gheay-niar?

Lioar Yob 8:10

Nagh jean adsyn dt’ynsaghey, as ginsh dhyt, as fockley magh raaghyn creeney nyn gree?

Psalmyn 45:1

Ta my chree smooinaghtyn dy dowin er cooish vie: ta mee goaill lesh bingys ny arraneyn ta mee er n’yannoo mychione y ree.

Raaghyn Creeney 15:28

Ta cree yn er-cairagh imneagh dy chur ansoor lowal: agh ta beeal y drogh ghooinney deayrtey magh goan nieunagh.

Raaghyn Creeney 15:7

Ta ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

Raaghyn Creeney 16:21

Eh ta creeney ayns cree, vees enmyssit keeayllagh, as ta miljid glare ny meillyn bishaghey ynsagh.

Raaghyn Creeney 16:22

Ta tushtey chibbyr y vea dasyn s’liesh eh: agh te ayns fardail dy ynsaghey ommydanyn.

Raaghyn Creeney 5:2

Dy vod oo cur geill da coyrle vie, as dy vod dty veillyn freayll tushtey.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.