Raaghyn Creeney 16:2 - Yn Vible Casherick 1775 1819

² Ta ooilley raaidyn dooinney glen ayns e hooillyn hene: agh ta’n Chiarn meihaghey ny spyrrydyn.

Raaghyn Creeney 16:2 ပူးပေါင်းရင်းမြစ်များ

Psalmyn 36:2

Son t’eh brynneraght rish hene ayns e hilley hene: derrey vees e pheccah eajee er ny gheddyn magh.

Raaghyn Creeney 12:15

Ta raad ommydan jeeragh ayns e hooillyn hene; agh t’eshyn creeney eaishtys rish coyrle.

Raaghyn Creeney 16:25

Ta raad ayn, as er-lesh dooinney dy vel eh jeeragh, agh ta’n jerrey echey raaidyn y vaaish.

Raaghyn Creeney 17:3

Myr ta’n coirrey-lheïe son glenney argid, as yn furnace son airh: shen myr ta’n Chiarn prowal ny creeaghyn.

Raaghyn Creeney 21:2

Ta raaidyn dooinney ooilley jeeragh ayns e hooillyn hene: agh ta’n Chiarn ronsaghey ny creeaghyn.

Raaghyn Creeney 24:12

My jirrys oo, Cur-my-ner, cha row toiggal ain jeh: nagh vel eshyn ta ronsagh y chree, goaill baght jeed? as eh ta coadey dt’annym, nagh vel eh fakin shoh? as nagh jean eh cooilleeney dy chooilley ghooinney cordail rish e obbraghyn?

Raaghyn Creeney 30:12

Ta sheeloghe ayn, ta glen ayns ny sooillyn oc hene, as foast cha vel ad nieet veih nyn mroïd.

Raaghyn Creeney 5:21

Son ta raaidyn dooinney fo sooillyn y Chiarn, as t’eh cronnaghey ooilley e immeeaght.

Isaiah 26:7

Ta raad yn er-cairal ayns ynrickys: t’ou uss, smoo ynrick, kiartaghey cassan yn vooinjer chairal.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Daniel 5:27

TEKEL, t’ou er ny howse ayns ny meihaghyn, as er dty gheddyn eddrym.

Earrooyn 22:32

As dooyrt ainle y Chiarn rish, Cre’n-oyr t’ou er woalley dty assyl ny three keayrtyn shoh? cur-my-ner, hie mish magh dy hassoo dt’oï, son dy vel dty raad camlaagagh ayns my hilley:

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Ashlish 2:18

As gys ainle agglish Thyatira, scrieu, Ny reddyn shoh ta Mac Yee dy ghra, ny sooillyn echey ta myr lossey dy aile, as e chassyn goll-rish prash sollys;

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

Briwnyn 17:6

Ayns ny laghyn shoh cha row ree ayns Israel, agh ren dy chooilley ghooinney myr baillish hene.

Briwnyn 7:6

As yn earroo ocsyn ren giu ass nyn mass, va three cheead dooinney: agh ren ooilley yn chooid elley jeh’n pobble croymmey sheese er nyn glioonyn dy iu ushtey.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.

1 Samuel 2:3

Ny loayr-jee arragh lesh wheesh dy voyrn; ny lhig da mooaralys cheet magh ass nyn meeal: son ta’n Chiarn ny Yee dy hushtey, as liorishyn ta obbraghyn deiney er nyn dowse.