Raaghyn Creeney 16:14 - Yn Vible Casherick 1775 1819

¹⁴ Ta jymmoose y ree myr chaghteryn baaish: agh nee dooinney creeney shen y veeinaghey.

Raaghyn Creeney 16:14 ပူးပေါင်းရင်းမြစ်များ

Genesis 40:2

As va Pharaoh jymmoosagh rish y daa fer-oik shoh, rish yn ard-vutler as rish ard-stiurt e hie.

Esther 7:7

As dirree yn ree veih’n yien-feeyney ayns e eulys, as hie eh gys garey yn phlaase; as hass Haman seose dy yannoo aghin son e vioys gys Esther yn ven-reïn: son honnick eh dy row olk kiarit n’oï liorish y ree.

Raaghyn Creeney 15:18

Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 16:13

Ta reeaghyn goaill taitnys ayns meillyn ny firrinys, as shynney lhieu eshyn ta loayrt yn irriney.

Raaghyn Creeney 16:15

Ayns soilshey eddin y ree ta bea, as ta’n foayr echey myr bodjal y fliaghey souree.

Raaghyn Creeney 17:11

Ta drogh ghooinney soit ynrycan er anvea: shen-y-fa bee chaghter dewil currit magh n’oï.

Raaghyn Creeney 19:12

Ta jymmoose y ree myr garveigagh y lion: agh ta’n foayr echey myr druight er y faiyr.

Raaghyn Creeney 20:2

Ta jymmoose y ree myr garveigagh y lion: quoi-erbee vrasnys e chorree, t’eh noid da e vioys hene.

Raaghyn Creeney 29:26

Ta ymmodee shirrey foayr y fer-reill; agh ta briwnys dy chooilley ghooinney cheet veih’n Chiarn.

Raaghyn Creeney 29:8

Ta deiney boiragh cur yn ard-valley fo seaghyn: agh ta deiney creeney castey jymmoose.

Ecclesiastes 10:4

My ta jymmoose yn reiltagh girree seose dt’oï, ny treig dty oik; son ta ammys jannoo lhiasaghey son foiljyn mooarey.

Daniel 2:16

Eisht hie Daniel stiagh, as yeearree eh er y ree dy chur traa da, as dy jinnagh eh soilshaghey da’n ree bun yn ashlish.

Noo Mark 6:27

As chelleeragh hug y ree magh marrooder, as doardee eh cur lesh e chione: as hie eh, as hug eh yn kione jeh Ean ayns y phryssoon.

Jannoo 12:20

As va Herod ayns noidys dewil rish cummaltee Tyre as Sidon: agh haink ad lesh un aigney huggey, as hooar ad stiagh rish Blastus, shamyrder y ree, as hir ad shee; er coontey dy row yn cheer oc cummit seose liorish cheer y ree.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee-jee coardit rish Jee.