Raaghyn Creeney 16:1 - Yn Vible Casherick 1775 1819

¹ Ta smooinaghtyn y chree veih’n dooinney hene: agh ansoor y chengey veih’n Chiarn.

Raaghyn Creeney 16:1 ပူးပေါင်းရင်းမြစ်များ

2 Samuel 7:5

Immee, as insh da my harvaant David, Myr shoh ta’n Chiarn dy ghra, Nee uss ta dy hroggal thie dooys dy chummal ayn?

2 Recortyssyn 18:31

As haink eh gy-kione, tra honnick captanyn ny fainee Jehoshaphat, dy dooyrt ad, She ree Israel t’ayn: shen-y-fa chruinnee ad mysh dy chaggey: agh deïe Jehoshaphat magh, as ren y Chiarn cooney lesh, as hug Jee ayns nyn gree dy hyndaa veih.

Ezra 7:27

Bannit dy row Chiarn Jee nyn ayraghyn, t’er choyrt lheid y red shoh ayns cree y ree, dy hoiaghey magh dy stoamey thie’n Chiarn, t’ayns Jerusalem.

Nehemiah 1:11

O Hiarn, ta mee guee ort, lhig da dty chleaysh nish geaishtagh rish padjer dty harvaant, as rish padjer dty harvaantyn, ta aggindagh dy ghoaill aggle roish dty ennym: as cur dty vannaght, ta mee guee ort, yn laa shoh, lesh dty harvaant, as giall da foayr ayns shilley yn dooinney shoh. Son va mish shirveishagh cappan y ree.

Lioar Yob 17:11

Ta my laghyn er n’immeeaght, ta my yerkallyn er ny vrishey, eer smooinaghtyn my chree.

Psalmyn 10:17

Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Psalmyn 119:36

Croym my chree gys dty recortyssyn: as cha nee gys saynt.

Exodus 4:15

As nee oo loayrt rishyn, as ver oo roish cre dy ghra: as beem’s marish dty veeal’s, as y beeal echeysyn, as ynsee-ym diu cre nee shiu y yannoo:

Raaghyn Creeney 15:33

Ta aggle y Chiarn yn raad gys creenaght, as ta injillid leeideil gys ooashley.

Raaghyn Creeney 16:9

Ta cree dooinney kiarail ro-laue: agh shee yn Chiarn ta reill e chesmadyn.

Raaghyn Creeney 19:21

Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.

Raaghyn Creeney 20:24

Ta kesmadyn dooinney fo reill y Chiarn, kys oddys dooinney eisht e raad hene y hoiggal?

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Jeremiah 10:23

O Hiarn, ta fys aym nagh vel immeeaght dooinney fo’n reill echey hene: cha vel eh ayns dooinney ta shooyl dy oardaghey e chesmadyn hene.

2 Corinthianee 8:16

Agh booise dy row gys Jee, hug yn chiarail jeean cheddin ayns cree Titus er nyn son.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney-mie hene.