Raaghyn Creeney 15:9 - Yn Vible Casherick 1775 1819

⁹ Ta raad y drogh pheccagh feohdoil da’n Chiarn: agh shynney lesh eh ta geiyrt er cairys.

Raaghyn Creeney 15:9 ပူးပေါင်းရင်းမြစ်များ

Psalmyn 1:6

Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Psalmyn 11:7

Er ny mee-chrauee deayrtee eh ribbaghyn, aile as brimstone, sterrym as dorrin: shoh vees y cronney ocsyn dy iu.

Psalmyn 139:24

Jeeagh my ta mee ayns raad erbee dy olkys: as leeid mee gys raad yn vea dy bragh farraghtyn.

Psalmyn 5:5

Cha jean nyn lheid as ta ommijagh shassoo ayns dty enish: son ta dwoaie ayd orroosyn ooilley ta jannoo mee-chairys.

Raaghyn Creeney 15:10

Ta smaght feohdagh dasyn ta treigeil y raad, as eshyn nagh gow rish oghsan hed eh naardey.

Raaghyn Creeney 21:21

Eshyn eiyrys er cairys as myghin, yiow eh bea, ynrickys, as ooashley.

Raaghyn Creeney 21:4

Ayns shilley ard, as cree moyrnagh, as eer ayns farrysthie ny mee-chrauee, ta peccah.

Raaghyn Creeney 21:8

Ta raad y pheccagh camlaagagh as quaagh: agh er son yn er ynrick ta’n obbyr echey jeeragh.

Raaghyn Creeney 4:19

Ta raad ny mee-chrauee myr y dorraghys; cha nhione daue cre roish t’ad dy snapperal.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Isaiah 26:7

Ta raad yn er-cairal ayns ynrickys: t’ou uss, smoo ynrick, kiartaghey cassan yn vooinjer chairal.

Isaiah 51:1

Clasht-jee rhym’s, shiuish ta geiyrt da’n ynrickys, shiuish ta shirrey yn Chiarn: jeeagh-jee gys y chreg veih hie shiu er giarey magh, as gys beeal yn ooig veih hie shiu er cleiy.

Isaiah 51:7

Clasht-jee rhym, shiuish ta toiggal ynrickys, yn pobble ta my leigh ayns nyn gree; ny gow-jee aggle roish drogh ghoo veih deiney, chamoo jean-jee soiaghey jeh’n oltooan oc.

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Noo Mian 7:13

Immee-jee stiagh er y ghiat coon; son lhean ta’n giat, as feayn ta’n raad ta leeideil gys toyrt-mow, as shimmey ta goll er:

Deuteronomy 7:13

As ver eh graih dhyt, as nee eh dty vannaghey, as dty vishaghey: ver eh myrgeddin bannaght er sluight dty vreïn, as mess dty hallooin, arroo as feeyn, as ooil as bishaght dty helloo, as dty hioltaneyn keyrragh, ayns y cheer vreear eh da dty ayraghyn dy choyrt dhyt.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.