Raaghyn Creeney 15:8 - Yn Vible Casherick 1775 1819

⁸ Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 15:8 ပူးပေါင်းရင်းမြစ်များ

2 Samuel 15:12

As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

1 Reeaghyn 3:10

As ren y ghlare shoh yn Chiarn y wooiys, dy row Solomon er yeearree lheid y red shoh.

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Psalmyn 141:2

Lhig da my phadjer v’er ny hebbal ayns dt’enish myr yn incense: as lhig da troggal seose my laueyn ’ve myr oural yn astyr.

Psalmyn 17:1

Eaisht rish cairys my chooish, O Hiarn, smooinee er my accan: as clasht rish my phadjer, nagh vel goll magh ass meillyn molteyragh.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

Raaghyn Creeney 15:29

Ta’n Chiarn foddey veih ny mee-chrauee: agh t’eh clashtyn padjer y vooinjer chairal.

Raaghyn Creeney 15:7

Ta ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Raaghyn Creeney 21:3

Dy yannoo cairys as briwnys kiart, te ny s’taitnyssagh da’n Chiarn na ourallyn costal.

Raaghyn Creeney 28:9

Eh ta chyndaa ersooyl e chleaysh veih clashtyn y leigh, bee’n eer padjer echeysyn feohdoil.

Ecclesiastes 5:1

Jeeagh gys dty raaidyn, tra t’ou taaghey thie Yee, as bee ny s’arryltagh dy chlashtyn na dy hebbal oural yn ommydan: son cha vel toiggal echey, dy vel eh jannoo dy olk.

Arrane Solomon 2:14

O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s’eunyssagh dty choraa, as stoamey dty eddin aalin.

Isaiah 61:8

Son ta mish y Chiarn graihagh er cairys, ta griu vaarlee my ghwoaie son oural-losht; as ver-yms nyn obbyr er y hoshiaght ayns ynrickys, as neem’s conaant dy bragh farraghtyn y yannoo roo.

Isaiah 66:3

Ta eshyn ta marroo dow myr dy marragh eh dooinney; eshyn ta ouralley eayn, myr eshyn ta chebbal kione moddey; eshyn ta chebbal oural, goll-rishyn hebbagh fuill muickey; eshyn ta lostey incense, myr eshyn ta ooashlaghey jalloo: dy jarroo, t’ad er reih ny raaidyn oc hene, as ta’n annym oc goaill taitnys ayns nyn obbraghyn dwoaiagh.

Jeremiah 6:20

Gys cre’n ymmyd ta incense cheet hym’s veih Sheba, as y cane millish veih cheer foddey jeh? cha vel taitnys aym ayns nyn jebballyn-losht, chamoo ta nyn ourallyn gys my aigney,

Daniel 9:23

Ec toshiaght dty aghinyn haink y sarey magh, as ta mish er jeet dy hoilshaghey dhyt, son t’ou ayns ard foayr: shen-y-fa toig yn chooish, as smooinee er yn ashlish.

Leviticus 7:18

As my vees veg jeh feill e ourallyn-shee er ny ee er y trass laa, cha bee soiagh jeant jeh, chamoo vees eh gys veg y vondeish dasyn ta dy hebbal eh: te red mollaghtagh, quoi-erbee ee-ys jeh, nee eh gymmyrkey e loght.

Micah 6:6

Cre lesh hig-ym kiongoyrt rish y Chiarn, as mee hene y chroymmey fenish y Jee ard? jig-ym kiongoyrt rish lesh ourallyn-losht, as lesh gounee jeh bleïn dy eash?

Micah 6:7

Bee yn Chiarn er ny wooiys lesh thousaneyn dy reaghyn, ny lesh jeih thousaneyn dy awinyn ooil? der-ym my vac shinney son my vee-viallys, mess my chorp son peccah my annym?

Haggai 2:14

Eisht dreggyr Haggai, as dooyrt eh, Shen myr ta’n pobble shoh, as shen myr ta’n ashoon shoh roym’s, ta’n Chiarn dy ghra; as shen myr ta ooilley obbyr nyn laueyn, as cre-erbee t’ad dy hebbal ayns shen, te neu-ghlen.

Malachi 1:10

Quoi ny-vud eu, yinnagh eer jeigh ny dorryssyn nastee? chamoo ta shiu foaddey aile er my altar nastee. Cha vel taitnys erbee aym ayndiu, ta Chiarn ny flaunyssee dy ghra, chamoo nee’m soiaghey jeh oural veih nyn laue.

Noo Ean 4:24

Ta Jee ny Spyrryd, as shegin dauesyn ta ooashlaghey eh, ooashley y choyrt da ayns Spyrryd as ayns firrinys.