Raaghyn Creeney 15:5 - Yn Vible Casherick 1775 1819

⁵ Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 15:5 ပူးပေါင်းရင်းမြစ်များ

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Raaghyn Creeney 1:23

Chyndaa-jee ec my oghsan: cur-my-ner, deayrt-yms magh my spyrryd erriu, nee’m soilshaghey my ghoan diu.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 10:1

Raaghyn creeney Solomon. Ta mac creeney gerjagh e ayrey; agh ta mac ommijagh trimshey da e voir.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 13:18

Ta boghtynid as nearey ny chour-syn obbys ynsagh: agh eshyn ver geill da oghsan, hig eh jeh dy mie.

Raaghyn Creeney 15:4

Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 15:6

Ayns thie yn er-cairal ta cooid as couryn: agh boiraghyn ayns cheet-stiagh yn dooinney mee-chrauee.

Raaghyn Creeney 19:20

Eaisht rish coyrle, as gow ynsagh, dy vod gerjagh ve ayd ayns jerrey dty laghyn.

Raaghyn Creeney 25:12

Myr cliegeen airhey, as jewel soit ayns airh ghlen, myr shen ta coyrleyder creeney gys y chleaysh beasagh.

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Titus 1:13

Ta’n feanish shoh firrinagh, shen-y-fa cur oghsan gyere daue dy vod ad ve shickyr ’sy chredjue.

Titus 2:15

Ny reddyn shoh jean uss loayrt as coyrlaghey, as cur oghsan lesh slane ’torrity. Ny lhig da dooinney erbee beg y hoiaghey jeed.