Raaghyn Creeney 15:4 - Yn Vible Casherick 1775 1819

⁴ Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 15:4 ပူးပေါင်းရင်းမြစ်များ

Psalmyn 109:22

Ta mee goll ass shoh myr y scadoo ta scughey ersooyl: ta mee eiyrit noon as noal myr y locust.

Raaghyn Creeney 10:11

Ta beeal y dooinney cairagh chibbyr dy vioys: agh nee tranlaase coodaghey eddin y vee-chrauee.

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 15:3

Ta sooillyn y Chiarn ayns dy chooilley voayl, cur-my-ner chammah sie as mie.

Raaghyn Creeney 15:5

Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 18:14

Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Raaghyn Creeney 18:8

Ta focklyn skeealleyder myr lhottyn, as ta’n ghah oc roshtyn eer gys y chree.

Raaghyn Creeney 26:22

Ta goan y scammyltagh myr lhottyn, as t’ad broddey gys grunt y chree.

Raaghyn Creeney 3:18

T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

1 Timothy 6:3

My ta dooinney erbee gynsaghey er aght elley, as nagh vel eh geiyrt da goan slayntoil, dy jarroo goan nyn Jiarn Yeesey Creest, as da’n ynsagh ta cordail rish craueeaght;

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.