Raaghyn Creeney 15:32 - Yn Vible Casherick 1775 1819

³² Eshyn obbys ynsagh t’eh soiaghey beg jeh e annym hene: agh eshyn verrys tastey da coyrle, t’eh geddyn tushtey.

Raaghyn Creeney 15:32 ပူးပေါင်းရင်းမြစ်များ

Psalmyn 50:17

Fakin dy vel dwoaie ayd er lhiasaghey-bea: as t’ou er hilgey my ghoan cheu dty chooylloo.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 10:17

T’eh ayns raad y vea ta coyrt geill da ynsagh: agh eshyn obbys coyrle, t’eh er-shaghryn.

Raaghyn Creeney 13:18

Ta boghtynid as nearey ny chour-syn obbys ynsagh: agh eshyn ver geill da oghsan, hig eh jeh dy mie.

Raaghyn Creeney 15:14

Ta’n cree echeysyn, ta keeayl echey, shirrey lurg tushtey: agh ta beeal ny mee-cheeayllee beaghey er ommijys.

Raaghyn Creeney 15:21

Ta ommijys boggey dasyn ta laccal tushtey: agh ta dooinney lowal gimmeeaght jeeragh.

Raaghyn Creeney 15:31

Yn chleaysh ta coyrt geill da oghsan y vea, te lhiantyn gys y vooinjer chreeney.

Raaghyn Creeney 15:33

Ta aggle y Chiarn yn raad gys creenaght, as ta injillid leeideil gys ooashley.

Raaghyn Creeney 15:5

Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 17:16

Cre-woad share ta ommydan jeh e verchys, fakin nagh vel cree echey dy chosney creenaght lesh?

Raaghyn Creeney 18:15

Ta cree yn dooinney creeney cosney tushtey: as ta cleaysh y dooinney lowal shirrey son tushtey.

Raaghyn Creeney 19:20

Eaisht rish coyrle, as gow ynsagh, dy vod gerjagh ve ayd ayns jerrey dty laghyn.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Ecclesiastes 7:5

Te ny share dy chlashtyn oghsan dooinney creeney, na son dooinney dy chlashtyn arrane brynneragh ny mee-hushtee.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Jeremiah 5:3

O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

Deuteronomy 21:18

My ta mac roonagh as mee-viallagh ec dooinney, nagh der geill da coyrle e ayrey, ny coyrle e vayrey, as lurg daue v’er smaghtaghey eh, nagh der eh biallys daue:

Deuteronomy 21:20

As jir ad rish shanstyr e ard-valley, T’eh shoh nyn mac roonagh, as mee-viallagh, cha n’eaisht eh rish nyn goraa; t’eh ny ghlutterey as meshteyllagh.

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er-aggle dy jean fraue erbee dy herriuid gaase seose, shiu y voirey, as ymmodee liorish shen er nyn byshooney:

Jamys 1:22

Agh bee-jee shiuish jeantee jeh’n goo, as cha nee ny-lomarcan clashtyn rish, molley shiu hene.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.