Raaghyn Creeney 15:23 - Yn Vible Casherick 1775 1819

²³ Ta boggey ec dooinney liorish ansoor e veeal as fockle loayrit ayns traa cooie, oh, cre cha mie as te!

Raaghyn Creeney 15:23 ပူးပေါင်းရင်းမြစ်များ

Lioar Yob 6:25

Cre cha breeoil as ta goan ynrick! agh cre ta’n argane euish prowal orrym?

Raaghyn Creeney 12:14

Bee dooinney jeant magh lesh mieys, liorish mess e veeal, as rere obbyr e laueyn bee dooinney cooilleenit.

Raaghyn Creeney 12:25

Ta trimshey ayns cree dooinney cur er croymmey: agh ta fockle dooie jannoo gennal jeh.

Raaghyn Creeney 15:22

Fegooish coyrle ta kiarailyn deiney cheet gys veg: agh ayns ymmodee fir-choyrlee ta shickyrys.

Raaghyn Creeney 16:13

Ta reeaghyn goaill taitnys ayns meillyn ny firrinys, as shynney lhieu eshyn ta loayrt yn irriney.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 24:26

Nee dy chooilley ghooinney paagey ny meillyn echeysyn, ta coyrt briwnys cairal.

Ecclesiastes 3:1

Son dy chooilley nhee ta imbagh cooie, as traa cour dy chooilley chiarail fo niau.

Isaiah 50:4

Ta’n Chiarn Jee er choyrt dou chengey ny fir-ynsee, ry-hoi fys ’ve aym dy loayrt fockle [gerjoilagh] ayns traa cooie dasyn ta seaghnit: moghrey lurg moghrey t’eh dy my ghoostey; t’eh doostey my chleaysh dy chlashtyn myr ny fir-ynsee.

Noo Ean 1:37

As cheayll yn daa ynseydagh eh loayrt, as deiyr ad er Yeesey.

Noo Ean 11:29

Cha leah as cheayll ee shen, dirree ee dy tappee, as haink ee huggey.

Ephesianee 4:29

Ny lhig da drogh ghlare erbee cheet ass nyn meeal, agh shen ny ta mie son ynsagh vondeishagh, dy vod eh grayse y hirveish orroosyn ta geaishtagh rish.