Raaghyn Creeney 15:18 - Yn Vible Casherick 1775 1819

¹⁸ Ta’n connyssagh doostey streeu: agh eshyn ta moal gys corree, t’eh cur streeu gy-kione.

Raaghyn Creeney 15:18 ပူးပေါင်းရင်းမြစ်များ

2 Samuel 19:43

As dreggyr deiney Israel deiney Yudah, as dooyrt ad, Ta jeih ayrnyn ain ayns y ree, as ta myrgeddin ny smoo dy chairys ainyn ayns David na t’euish: cre’n-fa eisht hoie shiu cha beg j’inyn, as nagh row’n choyrle ain hoshiaght er ny hirrey ayns coyrt lesh back y ree ainyn? As va goan deiney Yudah ny s’fargagh na goan deiney Israel.

Raaghyn Creeney 10:12

Ta myskid doostey streeu: agh ta graih coodaghey dy chooilley pheccah.

Raaghyn Creeney 14:29

Eshyn ta moal gys corree, t’eh dy hushtey vooar: agh ta’n dooinney jeh cree siyragh dy vrah yn ommijys echey hene.

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Raaghyn Creeney 15:19

Ta raad y litcher myr cleiy drineagh: agh ta raad yn er-cairagh jeant rea.

Raaghyn Creeney 16:14

Ta jymmoose y ree myr chaghteryn baaish: agh nee dooinney creeney shen y veeinaghey.

Raaghyn Creeney 16:28

Ta’n er-connyssagh cuirr anvea, as ta’n scammyltagh jannoo scarrey eddyr eer caarjyn.

Raaghyn Creeney 22:24

Ny jean caardys rish dooinney fargagh, as ny jean sheshaght rish fer anveagh.

Raaghyn Creeney 25:15

Liorish meenid ta prince er ny veiyghey, as ta chengey veeley brishey eer craueyn.

Raaghyn Creeney 26:21

Myr ta geayl gys smarageyn loshtee, as fuygh er aile: myr shen ta peccagh anveagh dy oaddey streeu.

Raaghyn Creeney 28:25

Eshyn ta jeh cree mooaralagh, t’eh doostey anvea: agh eh verrys e varrant er y Chiarn, bee eh jeant magh lesh sonnys.

Raaghyn Creeney 29:22

Ta dooinney fargagh bioghey anvea, as ta’n eulyssagh cur olk er y hoshiaght.

Ecclesiastes 10:4

My ta jymmoose yn reiltagh girree seose dt’oï, ny treig dty oik; son ta ammys jannoo lhiasaghey son foiljyn mooarey.

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.