Raaghyn Creeney 15:14 - Yn Vible Casherick 1775 1819

¹⁴ Ta’n cree echeysyn, ta keeayl echey, shirrey lurg tushtey: agh ta beeal ny mee-cheeayllee beaghey er ommijys.

Raaghyn Creeney 15:14 ပူးပေါင်းရင်းမြစ်များ

Psalmyn 119:100

Ta mee ny s’creeney na’n chenndeeaght: er-yn-oyr dy vel mee freayll dt’annaghyn.

Psalmyn 119:97

Hiarn, cre’n ghraih t’aym’s er dty leigh: fey-ny-laa ta mee smooinaghtyn er dy dowin.

Raaghyn Creeney 1:5

Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 12:23

Ta dooinney toiggalagh keiltyn tushtey, agh ta cree ny mee-chrauee fockley magh ommijys.

Raaghyn Creeney 15:15

Ta ooilley laghyn yn ymmyrchagh seaghnagh: agh eshyn ta jeh cree gennal, t’eh dy kinjagh farrail dy mie.

Raaghyn Creeney 18:15

Ta cree yn dooinney creeney cosney tushtey: as ta cleaysh y dooinney lowal shirrey son tushtey.

Raaghyn Creeney 9:9

Ynsee dooinney creeney, as bee eh foast ny s’creeney; cur roish dooinney ynrick, as nee eh bishaghey ayns ynsagh.

Isaiah 30:10

Ta gra rish ny fakyderyn, Ny jean-jee fakin; as rish ny phadeyryn, Ny jean-jee phadeyrys dooin reddyn cairagh; loayr-jee rooin goan brynnagh, jean-jee phadeyrys foalsey:

Isaiah 44:20

Er leoie t’eh beaghey: t’eh cleaynit lesh cree molteyragh, nagh vod eh livrey e annym, ny gra, Nagh vel breg ayns my laue yesh?

Hosea 12:1

Ta Ephraim beaghey er y gheay, as geiyrt da’n gheay-niar: t’eh gagh laa bishaghey breagyn as toyrt-mow, as t’ad jannoo conaant rish ny Assyrianee, as ta ooil er ny chur lesh gys Egypt.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

2 Peddyr 3:18

Agh aase-jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.