Raaghyn Creeney 15:13 - Yn Vible Casherick 1775 1819

¹³ Ta cree boggoil jannoo eddin gennal: agh liorish trimshey yn chree, ta’n spyrryd er ny vrishey.

Raaghyn Creeney 15:13 ပူးပေါင်းရင်းမြစ်များ

Nehemiah 2:2

Er shoh, dooyrt y ree rhym, Cre’n-oyr ta lheid y drogh yien ort, fakin nagh vel oo ching? cha vel shoh monney agh trimshey cree. Eisht va mee dy jarroo ayns aggle.

Raaghyn Creeney 12:25

Ta trimshey ayns cree dooinney cur er croymmey: agh ta fockle dooie jannoo gennal jeh.

Raaghyn Creeney 14:30

Ta cree follan slaynt y challin: agh ta troo, loauid ny craueyn.

Raaghyn Creeney 15:15

Ta ooilley laghyn yn ymmyrchagh seaghnagh: agh eshyn ta jeh cree gennal, t’eh dy kinjagh farrail dy mie.

Raaghyn Creeney 17:22

Ta cree gennal jannoo follan myr medshin: agh ta spyrryd brisht shirgaghey ny craueyn,

Raaghyn Creeney 18:14

Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Noo Ean 14:1

Ny lhig da’n cree eu ve seaghnit: ta shiu credjal ayns Jee, cred-jee myrgeddin aynym’s.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 2:7

Myr shen dy bare diu er yn aght elley leih da, as gerjaghey eh, er-aggle dy beagh e lheid sluggit seose lesh rouyr trimshey.

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.