Raaghyn Creeney 15:11 - Yn Vible Casherick 1775 1819

¹¹ Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Raaghyn Creeney 15:11 ပူးပေါင်းရင်းမြစ်များ

2 Recortyssyn 6:30

Eisht jean uss clashtyn veih niau dt’ynnyd-vaghee, as jean leih, as cur cooilleeney da dy chooilley ghooinney cordail rish ooilley e raaidyn, ayd’s ta fys cre t’ayns e chree (son ayd’s dty-lomarcan ta fys cre t’ayns creeaghyn cloan gheiney.)

Lioar Yob 26:6

Ta niurin foshlit kiongoyrt rish, as toyrt-mow gyn coodagh.

Psalmyn 139:8

My ghoym skianyn y voghrey: as tannaghtyn ayns ny ardjyn sodjey magh d’yn aarkey;

Psalmyn 44:21

My ta shin er yarrood ennym y Jee ain, as er chummal seose nyn laueyn gys Jee erbee joarree: nagh jean Jee eh y ronsaghey magh? son ta fys echey er eer folliaghtyn y chree.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Raaghyn Creeney 15:10

Ta smaght feohdagh dasyn ta treigeil y raad, as eshyn nagh gow rish oghsan hed eh naardey.

Raaghyn Creeney 17:3

Myr ta’n coirrey-lheïe son glenney argid, as yn furnace son airh: shen myr ta’n Chiarn prowal ny creeaghyn.

Raaghyn Creeney 27:20

Cha vel yn oaie ny’n baase dy bragh lane: myr shen cha vel sayntyn sooilley dy bragh jeant magh.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Jannoo 1:24

As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

Ashlish 9:11

As va oc ree harrystoo, ainle y diunid gyn-grunt, ta’n ennym echey ayns glare ny Hebrewnee Abaddon, agh ayns glare ny Grecianee ta e ennym Apollyon.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.