Raaghyn Creeney 15:10 - Yn Vible Casherick 1775 1819

¹⁰ Ta smaght feohdagh dasyn ta treigeil y raad, as eshyn nagh gow rish oghsan hed eh naardey.

Raaghyn Creeney 15:10 ပူးပေါင်းရင်းမြစ်များ

1 Reeaghyn 18:17

As haink eh gy-kione, tra honnick Ahab Elijah, dy dooyrt Ahab rish, Nee uss eshyn ta boirey Israel?

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

1 Reeaghyn 22:8

As dooyrt ree Israel rish Jehoshaphat, Ta ayn foast un dooinney, (Micaiah mac Imlah,) liorishyn foddee mayd briaght jeh’n Chiarn; agh ta dwoaie aym er; son cha vel eh dy bragh phadeyrys mie my-mychione’s, agh olk. As dooyrt Jehoshaphat, Ny lhig da’n ree shen y ghra.

Lioar Yob 34:27

Er-yn-oyr dy hyndaa ad cooyl rishyn, as nagh dug ad veg y gheill da e raaidyn.

Psalmyn 50:17

Fakin dy vel dwoaie ayd er lhiasaghey-bea: as t’ou er hilgey my ghoan cheu dty chooylloo.

Raaghyn Creeney 1:25

Agh ta shiu er hoiaghey beg jeh ooilley my choyrle, as cha goghe shiu rish veg jeh my oghsan.

Raaghyn Creeney 1:30

Cha shirragh ad veg jeh my choyrle: ren ad beg y hoiaghey jeh my oghsan.

Raaghyn Creeney 10:17

T’eh ayns raad y vea ta coyrt geill da ynsagh: agh eshyn obbys coyrle, t’eh er-shaghryn.

Raaghyn Creeney 12:1

Eshyn shynney lesh ynsagh, shynney lesh tushtey: agh eshyn nagh gow rish oghsan, t’eh ny volvane.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 15:11

Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Raaghyn Creeney 15:9

Ta raad y drogh pheccagh feohdoil da’n Chiarn: agh shynney lesh eh ta geiyrt er cairys.

Raaghyn Creeney 23:35

T’ad er woalley mee, nee oo gra, as cha row mee guint; t’ad er my yeealley, as cha dennee mee eh: cuin nee’m doostey? shir-yms huggey reesht.

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Jeremiah 2:17

Nagh vel oo er dayrn shoh ort hene, liorish dy vel oo er hreigeil yn Chiarn dty Yee, va dty leeideilagh raaidey?

Ezekiel 33:9

Ny-yeih, my ver uss raaue da’n vee-chrauee, dy hyndaa eh veih e ghrogh raad: mannagh jyndaa eh veih e raad, yiow eh baase ayns e vee-chairys, agh t’ou uss er livrey dty annym hene.

Noo Ean 3:20

Son ta dy chooilley unnane ta jannoo dy holk, cur feoh da’n toilshey, chamoo t’eh cheet gys y toilshey, son nagh jig brah er ny obbraghyn echey.

Noo Ean 7:7

Cha vod y seihll dwoaie y chur diuish, agh dooys te cur dwoaie; er-yn-oyr dy vel mee gymmyrkey feanish jeh, dy vel ny obbraghyn echey olk.