Raaghyn Creeney 14:8 - Yn Vible Casherick 1775 1819

⁸ Ta creenaght yn er tushtagh dy hoiggal e raad: agh ta ommijys ny mee-chrauee, molteyrys.

Raaghyn Creeney 14:8 ပူးပေါင်းရင်းမြစ်များ

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Psalmyn 119:5

O dy beagh my raaidyn cha jeeragh shen: dy voddin dty lattyssyn y reayll!

Psalmyn 119:73

Ta dty laueyn er my chroo as er my chummey: O cur dou tushtey, dy voddym gynsaghey dt’annaghyn.

Psalmyn 143:8

O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Raaghyn Creeney 11:18

Ta’n mee-chrauee gobbraghey obbyr volteyragh, agh ny chour-syn ta cuirr cairys bee leagh shickyr.

Raaghyn Creeney 12:5

Ta smooinaghtyn y dooinney ynrick cairal: agh ta coyrleyn ny mee-chrauee son molteyrys.

Raaghyn Creeney 15:21

Ta ommijys boggey dasyn ta laccal tushtey: agh ta dooinney lowal gimmeeaght jeeragh.

Raaghyn Creeney 2:9

Eisht nee oo toiggal cairys, as briwnys, as corrymid: dy jarroo dy chooilley raad mie.

Raaghyn Creeney 8:20

Mish y leeideilagh ayns raad yn ynrickys, ayns ny cassanyn jeeragh dy vriwnys.

Ecclesiastes 2:13

Eisht chronnee mee dy vel creenaght ny share na ommijys, wheesh as ta soilshey ny share na dorraghys.

Ecclesiastes 2:16

Son cha bee cooinaghtyn er y dooinney creeney ny smoo na er yn ommydan son dy bragh: fakin dy bee shen, ny ta nish, er ny yarrood ayns ny laghyn ta ry-heet: as kys ta’n dooinney creeney geddyn baase? eer myr yn ommydan.

Jeremiah 13:20

Trog-jee seose nyn sooillyn, as cur-jee my-ner adsyn ta cheet veih’n twoaie; cre vel y chioltane va er dty churrym, eer dty hioltane aalin?

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

Ephesianee 4:22

Mychione yn ymmyrkey-bea eu t’er n’gholl shaghey, dy der shiu jeh yn chenn ghooinney, ta neu-ghlen cordail rish yeearreeyn molteyragh ny foalley.

Ephesianee 5:17

Shen-y-fa ny bee-jee neu-hastagh, agh toig-jee cre ta aigney yn Chiarn.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.