Raaghyn Creeney 14:6 - Yn Vible Casherick 1775 1819

⁶ Ta’n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeayl echey.

Raaghyn Creeney 14:6 ပူးပေါင်းရင်းမြစ်များ

Psalmyn 119:18

Foshil uss my hooillyn: dy voddym fakin reddyn yindyssagh dty leigh.

Raaghyn Creeney 1:5

Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 14:5

Cha jean feanish firrinagh breg y insh: agh nee feanish foalsey fockley-magh breagyn.

Raaghyn Creeney 14:7

Ny jean sheshaght rish dooinney ommijagh, my t’ou cur-my-ner nagh vel aynsyn ny meillyn dy hushtey.

Raaghyn Creeney 15:12

Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

Raaghyn Creeney 17:16

Cre-woad share ta ommydan jeh e verchys, fakin nagh vel cree echey dy chosney creenaght lesh?

Raaghyn Creeney 17:24

Ta creenaght soilshean ayns eddin dooinney creeney: agh ta sooillyn ommydan rouail noon as noal er feaï-ny-cruinney.

Raaghyn Creeney 18:2

Cha vel taitnys ec ommydan ayns tushtey, agh ayns geiyrt er aigney e chree hene.

Raaghyn Creeney 24:7

Ta creenaght erskyn roshtyn ommydan; cha vel eh fosley e veeal ’sy whaiyl.

Raaghyn Creeney 26:12

Vel oo fakin dooinney creeney ayns e smooinaghtyn hene? ta caslys share jeh’n vee-hushtagh na jehsyn.

Raaghyn Creeney 8:8

Ta ooilley goan my veeal ayns cairys, cha vel nhee erbee camlaagagh ny cluicagh ayndoo.

Raaghyn Creeney 8:9

T’ad ooilley cronnal da’n toiggalagh, as jeeragh dauesyn ta geddyn tushtey.

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Jeremiah 8:9

Ta ny deiney creeney oc fo nearey, t’ad er choayl nyn dappey as goit ayns ribbey: cur-my-ner, t’ad er hoiaghey beg jeh goo yn Chiarn, as cre’n chreenaght t’ayndoo?

1 Corinthianee 8:2

As my ta dooinney erbee smooinaghtyn dy vel toiggal echey jeh nhee erbee, cha vel foast toiggal echey jeh nhee erbee myr lhisagh eh.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.