Raaghyn Creeney 14:3 - Yn Vible Casherick 1775 1819

³ Ayns beeal yn ommydan ta slatt son e voyrn: agh nee meillyn yn vooinjer chreeney adsyn y choadey.

Raaghyn Creeney 14:3 ပူးပေါင်းရင်းမြစ်များ

Lioar Yob 5:21

Bee oo keillit veih guin y chengey elgyssagh; cha bee aggle ort roish toyrt-mow tra te cheet.

Psalmyn 12:3

Ver y Chiarn mow ooilley ny meillyn molteyragh: as y chengey ta loayrt goan mooaralagh;

Psalmyn 31:18

Jeeagh da dty harvaant soilshey dty eddin: as saue mee er graih dty vyghinyn.

Psalmyn 57:4

Ver Jee magh e vyghin as e ynrickys: ta m’annym mastey lionyn.

Raaghyn Creeney 12:6

Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 14:4

Raad nagh vel dew, ta’n chratch follym: agh ta mooarane bishagh liorish niart y dow.

Raaghyn Creeney 18:6

Ta meillyn yn ommydan dellal ayns streeu, as e veeal doostey bwoailtys.

Raaghyn Creeney 18:7

Ta beeal ommydan e hoyrt-mow, as ta e veillyn ribbey e annym.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Raaghyn Creeney 22:8

Eshyn ta cuirr mee-chairys, nee eh buinn fardalys: as bee soost e hranlaase er ny vrishey.

Raaghyn Creeney 28:25

Eshyn ta jeh cree mooaralagh, t’eh doostey anvea: agh eh verrys e varrant er y Chiarn, bee eh jeant magh lesh sonnys.

Daniel 7:20

As jeh ny jeih eairkyn va ayns e chione, as jeh’n eairk elley haink seose, as roish ren three jeu, tuittym, jeh’n eer eairk shen, lesh sooillyn, as beeal va boggyssagh reddyn mooarey, lesh shilley s’daaney na e heshaghyn.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta baghey ayns shaghrynys:

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 3:10

Er-yn-oyr dy vel oo er vreayll goo my hurranse, freill-yms uss myrgeddin veih’n oor dy hrial, ta ry-hoi cheet er ooilley’n seihll, dy phrowal adsyn ta baghey er y thalloo.

1 Samuel 2:3

Ny loayr-jee arragh lesh wheesh dy voyrn; ny lhig da mooaralys cheet magh ass nyn meeal: son ta’n Chiarn ny Yee dy hushtey, as liorishyn ta obbraghyn deiney er nyn dowse.