Raaghyn Creeney 14:18 - Yn Vible Casherick 1775 1819

¹⁸ Ta’n mee-hushtagh jannoo ommijys e eiraght: agh ta’n vooinjer chreeney coamrit lesh tushtey.

Raaghyn Creeney 14:18 ပူးပေါင်းရင်းမြစ်များ

Raaghyn Creeney 14:17

Eshyn ta siyragh gys corree, t’eh ny ommydan, as dooinney lesh saaseyn olk, t’eh dwoaiagh.

Raaghyn Creeney 14:19

Ta’n olk croymmey roish y vie, as ny mee-chrauee ec giattyn deiney ynrick.

Raaghyn Creeney 3:35

Yiow yn chloan chreeney gloyr ayns eiraght, agh bee nearey er ooashley ny ommydanyn.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jeremiah 44:17

Agh nee mayd eer lurg nyn aigney hene, dy lostey incense gys queen yn aer, as dy lhieeney magh ourallyn-feeyney jee, myr boallagh shin, shin hene, as nyn ayraghyn, nyn reeaghyn, as nyn brinceyn, ayns ard-valjyn Yudah, as ayns straïdyn Yerusalem: son eisht va palchey beaghey ain, as va shin dy souyr, chamoo honnick shin olk erbee.

Daniel 12:3

As nee adsyn ta creeney soilshean casley rish sollyssid yn aer, ad adsyn ta chyndaa ymmodee gys cairys, myr ny rollageyn, son dy bragh as dy bragh.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;

1 Peddyr 5:4

As tra hig yn Ard-vochilley kionfenish, yiow shiu attey dy ghloyr nagh jean fioghey ersooyl.