Raaghyn Creeney 14:16 - Yn Vible Casherick 1775 1819

¹⁶ Ta dooinney creeney goaill aggle, as scarrey rish olk: agh ta’n ommydan dewil as daaney.

Raaghyn Creeney 14:16 ပူးပေါင်းရင်းမြစ်များ

Genesis 33:9

As dooyrt Esau, Ta dy liooar aym pene, my vraar; freill shen ny t’ayd dhyt hene.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

1 Reeaghyn 19:2

Eisht hug Jezebel chaghter gys Elijah, gra, Shen myr lhig da ny jeeghyn jannoo rhym’s, as ny smoo na shen, mannagh der-yms er dty vioys dy ve myr bioys unnane jeusyn, mysh y traa shoh mairagh.

1 Reeaghyn 20:18

As dooyrt eh, Edyr ad y ve er jeet magh son shee, gow-jee ad bio; ny edyr ad y ve er jeet magh son caggey, gow-jee ad bio.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 34:14

Shaghyn dagh olk, as jean dy mie: shir lurg shee, as cur eh er y hoshiaght.

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Raaghyn Creeney 14:15

Ta’n ommydan credjal dy chooilley ockle: agh ta’n dooinney creeney jeeaghyn dy mie gys e immeeaght.

Raaghyn Creeney 14:17

Eshyn ta siyragh gys corree, t’eh ny ommydan, as dooinney lesh saaseyn olk, t’eh dwoaiagh.

Raaghyn Creeney 16:17

Te raad-mooar y dooinney ynrick dy hea veih olk: eshyn ta cummal ayns e raad, t’eh coadey e annym.

Raaghyn Creeney 16:6

Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 22:3

Ta dooinney tastagh cronnaghey yn olk ro-laue, as shaghney eh: agh ta ny mee-cheeayllee roie er nyn gione, as t’ad seaghnit.

Raaghyn Creeney 28:14

S’maynrey yn dooinney ta dy kinjagh ayns aggle (Yee): agh nee eshyn, chreoghys e chree, tuittym ayns olk.

Raaghyn Creeney 29:9

My ta dooinney creeney dellal rish ommydan, edyr eh ve corree ny craid cha der eh fea dhyt.

Raaghyn Creeney 3:7

Ny bee creeney ayns dty hooillyn hene: gow aggle roish y Chiarn, as scarr rish yn olk.

Raaghyn Creeney 7:22

T’eh goll geiyrt urree er-y-chooyl, myr dow gys y teigh, ny myr ommydanyn gys kerraghey ny stockyn.

Ecclesiastes 10:13

Ta goan e veeal goaill toshiaght ayns ommijys; as ta jerrey e haggloo ayns dewilys aggair.

Earrooyn 22:27

As tra honnick yn assyl ainle y Chiarn, huitt ee sheese fo Balaam: as va corree Valaam er ny ghreesaghey, as woaill eh yn assyl lesh e lorg.

Noo Ean 9:40

As cheayll paart jeh ny Phariseeyn va mârish ny goan shoh, as dooyrt ad rish, Vel shinyn doal neesht?

1 Thessalonianee 5:22

Freill-jee shiu hene veih dy chooilley chaslys dy olkys.