Raaghyn Creeney 14:11 - Yn Vible Casherick 1775 1819

¹¹ Bee thie ny mee-chrauee tilgit bun-ry-skyn: agh nee ynnyd-vaghee deiney mie blaaghey.

Raaghyn Creeney 14:11 ပူးပေါင်းရင်းမြစ်များ

Lioar Yob 15:34

Son bee sheshaght ny crauee-oalsey er nyn skeayley, as nee’n aile stroie ny cabbaneyn ocsyn ta creck briwnys.

Lioar Yob 18:21

Shoh’n erree hig er ynnydyn-vaghee ny mee-chrauee, as shoh myr vees y cronney echeysyn nagh nhione da Jee.

Lioar Yob 21:28

Son ta shiu gra, C’raad ta thie yn phrince? as cre’n erree t’er cummallyn ny mee-chrauee?

Lioar Yob 8:15

Ver eh ’varrant er e hie, agh cha jean eh shassoo; nee eh niartaghey eh, agh cha jean eh farraghtyn.

Lioar Yob 8:22

Bee dty noidyn er nyn goodaghey lesh nearey; as cha jean ynnyd-vaghee ny mee-chrauee shassoo.

Lioar Yob 8:6

Dy beagh oo er ve glen as ynrick; son shickyrys nish veagh eh er ve dooishtagh harryd, as er n’yannoo ynnyd-vaghee dt’ynrickys maynrey.

Psalmyn 128:3

Bee dty ven myr y billey-feeyney messoil, er voallaghyn dty hie;

Psalmyn 37:10

Foast maghey tammylt beg, as bee’n mee-chrauee dy bollagh ersooyl: nee uss jeeaghyn son yn ynnyd echey, as bee eh er n’immeeaght.

Raaghyn Creeney 11:28

Tuittee eshyn ta coyrt e varrant er e verchys: agh nee yn dooinney crauee goaill blaa myr banglane.

Raaghyn Creeney 12:7

Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.

Raaghyn Creeney 15:25

Stroie-ys y Chiarn thie ny mooaralee: agh nee eh niartaghey cagliagh y ven-treoghe.

Raaghyn Creeney 21:12

Ta’n dooinney cairal dy creeney goaill huggey hene stayd drogh-sleih; dy vel Jee coyrt naardey drogh-yantee son nyn ghrogh-yannoo.

Raaghyn Creeney 21:20

Ta berchys ayn dy ve er ny yeearree, as ooil ayns cummal y dooinney creeney: agh ta’n ommydan dy yummal eh.

Raaghyn Creeney 3:33

Ta mollaght y Chiarn ayns thie yn vee-chrauee: agh t’eh bannaghey ynnyd-vaghee yn vooinjer ynrick.

Zechariah 5:4

Ver-ym lhiam magh eh, ta Chiarn ny flaunyssee dy ghra, as hed eh stiagh ayns thie yn vaarliagh, as ayns y thie echeysyn ta loo dy foalsey liorish my ennym’s: as nee eh tannaghtyn ayns mean e hie, as ver eh naardey eh, marish y fuygh echey, as ny claghyn echey.