Raaghyn Creeney 14:10 - Yn Vible Casherick 1775 1819

¹⁰ Ta’n cree gennaghtyn e herriuid hene, as cha vel ec joarree dy yannoo rish e voggey.

Raaghyn Creeney 14:10 ပူးပေါင်းရင်းမြစ်များ

Genesis 42:21

As dooyrt ad ry-cheilley, ta shin dy firrinagh oolee mychione nyn mraar, ayns dy vaik shin angaish e annym tra ghuee eh orrin, as cha dug shin clashtyn da: shen-y-fa ta’n seaghyn shoh er jeet orrin.

2 Reeaghyn 4:27

As tra v’ee er jeet gys y dooinney dy Yee er y chronk, huitt ee sheese ec e chassyn: agh haink Gehazi er-gerrey dy choyrt voish ee. As dooyrt y dooinney dy Yee, Faag ee: ta’n annym eck seaghnit cheu-sthie j’ee; as ta’n Chiarn er cheiltyn shoh voym’s, as cha vel eh er n’insh dou.

Lioar Yob 10:1

Ta mee skee jeh my vioys: neem’s m’accan y cheau orrym pene; neem’s loayrt ayns angaish m’annym.

Lioar Yob 21:25

As ta fer elley geddyn baase ayns angaish e annym, as cha vel eh dy bragh gee lesh gerjagh.

Lioar Yob 7:11

Shen-y-fa ver-yms reamys da my veeal; neem’s loayrt ayns angaish my spyrryd; neem’s gaccan ayns sherriuid my annym.

Lioar Yob 9:18

Cha lhig eh dou goaill m’ennal, agh t’eh dy my lhieeney lesh sherriuid.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Raaghyn Creeney 15:13

Ta cree boggoil jannoo eddin gennal: agh liorish trimshey yn chree, ta’n spyrryd er ny vrishey.

Raaghyn Creeney 18:14

Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Ezekiel 3:14

Myr shen hrog y spyrryd mee seose, as ghow eh mee ersooyl, as hie mee ayns sou-aigney, as bree my spyrryd, agh va laue yn Chiarn niartal orrym.

Noo Ean 12:27

Nish ta my annym seaghnit; as cre jir-ym? Ayr, saue mee veih’n oor shoh: agh er-yn-oyr shoh haink mee gys yn oor shoh.

Noo Ean 14:18

Cha vaag-ym shiu gyn gerjagh; hig-yms hiu.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Philippianee 4:7

As nee shee Yee ta erskyn dy chooilley hushtey ny creeaghyn as ny aignaghyn eu y reayll trooid Creest Yeesey.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr:

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver-yms dy ee jeh’n manna follit, as ver-ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

1 Samuel 1:10

As v’ee ayns sherriuid anmey, as ghow ee padjer gys y Chiarn, as cheayn ee dy sharroo.

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.