Raaghyn Creeney 13:9 - Yn Vible Casherick 1775 1819

⁹ Ta soilshey yn chloan chrauee bio as gennal: agh bee cainle ny mee-chrauee currit ass.

Raaghyn Creeney 13:9 ပူးပေါင်းရင်းမြစ်များ

1 Reeaghyn 11:36

As da e vac ver-ym un tribe, dy vod cainle ve ec David my harvaant dy kinjagh kiongoyrt rhym’s ayns Jerusalem, yn ard-valley ta mee er reih dou hene dy chur my ennym ayn.

Lioar Yob 21:17

Cre cha mennick ta cainle ny mee-chrauee er ny chur ass! cre cha leah ta’n toyrt-mow oc cheet orroo! ta Jee rheynn magh trimshey ayns e yymmoose.

Lioar Yob 29:3

Tra ren e chainle soilshean er my chione, as tra liorish e hoilshey ren mee gimmeeaght trooid dorraghys;

Psalmyn 112:4

Da’n dooinney crauee ta soilshey brishey magh ayns y dorraghys: t’eh myghinagh, graihagh, as cairagh.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.

Raaghyn Creeney 13:10

Ynrycan liorish moyrn ta anvea brishey magh: agh ta creenaght mâroosyn ta goaill coyrle vie.

Raaghyn Creeney 13:8

Ta e verchys leagh son bioys y dooinney: agh noi’n voght cha vel plaiynt erbee.

Raaghyn Creeney 20:20

Quoi-erbee ghwee-ys mollaght da e ayr, ny e voir: bee’n lamp echeysyn er ny vooghey ayns y dooid dy ghorraghys.

Raaghyn Creeney 24:20

Son cha vel leagh erbee cour y drogh ghooinney, as bee cainle ny mee-chrauee currit ass.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Ezekiel 32:7

As tra nee’m oo y vooghey, coodee-ym yn aer, as dollee-ym ny rollageyn: as tilg-ym bodjal er y ghrian, as cha der yn eayst magh e ray-sollys.

Earrooyn 27:4

Cre’n-fa veagh ennym yn ayr ain caillit mastey e chynney, son dy vel eh dyn mac? Cur dooin, er-y-fa shen, eiraght mastey braaraghyn nyn ayrey.

Noo Mian 22:13

Eisht dooyrt y ree rish ny sharvaantyn, Kiangle-jee eh laue as cass, as gow-jee eh ersooyl, as tilg-jee eh ayns y dorraghys sodjey mooie: shen y raad vees keayney as snaggeraght feeacklyn.

Noo Mian 25:8

As dooyrt y vooinjer ommijagh rish y vooinjer chreeney, Cur-jee dooinyn jeh’n ooil euish, son ta ny lampyn ain goll ass.