Raaghyn Creeney 13:7 - Yn Vible Casherick 1775 1819

⁷ Ta fer ayn ta lhiggey er dy ve berchagh, ga nagh vel monney echey: as ta fer ayn ta jannoo boght jeh hene ayns mean e verchys.

Raaghyn Creeney 13:7 ပူးပေါင်းရင်းမြစ်များ

Raaghyn Creeney 11:24

Ta fer ayn ta skeayley, as foast t’eh bishaghey: as ta ayn ta lhiettal ny smoo na ta cooie, agh te tayrn gys boghtynid.

Raaghyn Creeney 12:9

Ny share ta eshyn, ta ayns stayd injil, as son cooney lesh hene, na eshyn ta moyrnagh jeh hene, as laccal arran.

Raaghyn Creeney 13:11

Nee’n verchys ta cosnit dy aggairagh lheïe ersooyl: agh eshyn ta chaglym lesh laue tarroogh ynrick, nee eh bishaghey.

Raaghyn Creeney 13:8

Ta e verchys leagh son bioys y dooinney: agh noi’n voght cha vel plaiynt erbee.

Noo Luke 12:20

Agh dooyrt Jee rish, Uss ommydan, yn oie noght vees dty annym er ny ghoaill voïd: quoi lesh eisht vees yn chooid shen t’ou uss er jaglym?

Noo Luke 12:21

Myr shoh ta eshyn ta tashtey seose berchys ny chour hene, as nagh vel berchagh ass lieh Yee.

Noo Luke 12:33

Creck-jee ny t’eu, as cur-jee da ny boghtyn: kiare-jee diu hene sporranyn nagh n’aase shenn, berchys ayns ny niaughyn nagh vel failleil, raad nagh vel y maarliagh cheet er-gerrey, ny’n lhemeen cur mow.

1 Corinthianee 4:8

Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

2 Corinthianee 4:7

Agh ta’n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

2 Peddyr 2:19

Choud’s t’ad gialdyn daue reamys, t’ad-hene nyn sharvaantyn dy neu-ghlennid: son liorishyn ta’n varriaght er ny gheddyn er dooinney, liorish yn er cheddin t’eh er ny choyrt lesh fo bondiaght.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh,) as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh-spyrryd.

Ashlish 3:17

Son dy vel oo gra, Ta mee berchagh, as er vishaghey ayns cooid, as nagh vel mee feme nhee erbee; as cha vel oo goaill hood hene dy vel oo treih, as seaghnit, as boght, as doal, as rooisht.